މި ޕްރޮގްރާމަކީ ޔޫތު މިނިސްޓްރީން ފުވައްމުލަކު ސިޓީގައި މި މަހު 19 އިން 20 އަށް ކުރިއަށް ގެންދިޔަ ޕްރޮގްރާމެކެވެ. ދެ ދުވަހަށް ކުރިއަށް ގެންދިޔަ މި ޓްރެއިނިން ޕްރޮގްރާމް ފުރިހަމަ ކޮށްފައިވަނީ 28 ބައިވެރިންނެވެ.
ޔުތު މިނިސްޓްރީން ބުނީ، މި ތަމްރީން ޕްރޮގްރާމްގެ މަގުސަދަކީ ނޫސްވެރިކަމުގައި އުޅޭ އަދި ނޫސްވެރިކަމަށް ޝައުގުވެރިކަން ހުންނަ އައްޑޫ ސިޓީ އަދި ފުވައްމުލަކުގެ ފަރާތްތައް ހަބަރާއި މައަލޫމާތު ފެތުރުމަށް އަހުލުވެރި ކުރުމަށާއި، ދޮގު ހަބަރު ފެތުރުމުން ލިބޭ ގެއްލުމާއި، ނޫސްވެރިންނަށް ބައިނަލްއަގުވާމީ ބެސްޓް ޕްރެކްޓިސްއާއި އެއްގޮތަށް ހަބަރު ގެނެސްދިނުމަށް މައުލޫމާތުދިނުން ކަމަށެވެ.
މި ޕްރޮގްރާމްގައި ބައިވެރިންނައް މައުލޫމާތު ހިއްސާކުރި މައުލޫތަކުގެ ތެރޭގައި، ނޫސްވެރިކަމާއި ނޫސްވެރިކަމުގެ އަހުލާގު، ނޫސްވެރިކަމުގެ ވައްތަރުތަކާއި ލިޔުންތެރިކަމުގެ ވައްތަރުތައް، ދިވެހިރާއްޖޭގެ ތަރައްގީގައި ނޫސްވެރިންގެ ދައުރު، ތަހުގީގީ ނޫސްވެރިކަން ނުވަތަ އިންވެސްޓިގޭޓިވް ޖާރނަލިޒަމް، އެކި އެކި ފިކުރުތަކާއި ނޫސްވެރިކަން އަދި ނޫސްވެރިކަމުގެ ބަސްމަގު، ނޫސްވެރިންނަށް ކުރިމަތިވާ ގޮންޖެހުންތަކާއި ހުރި ފުރުސަތުތައް އަދި ފޭކް ނިއުސް އެންޑް ޝޮލިއުޝަން ޖާރނަލިޒަމް ހިމެނޭކަމަށް އެ މިނިސްޓްރީން ބުނެފައިވެ އެވެ.
ހޭލުންތެރި މީޑިއާގެ އިތުރު ޓްރެއިނިން ޕްރޮގްރާމްތައް ރާއްޖޭގެ އެކި ސަރަހައްދުތަކުގައި ކުރިއަށް ގެންދިއުމައް ޔޫތު މިނިސްޓްރީން ވަނީ ނިންމާފަ އެވެ.
