![](https://cnm.mv/media/images/20240719_144212.jpg)
ރައީސްގެ ހިޔާލުފުޅަކީ ތިން ކައުންސިލުން އިންތިހާބުކުރާއިރު އެއް ކައުންސިލަރގެ މަގާމު އަންހެނުންނަށް ހާއްސަ ކުރުމަށާއި ޒުވާނުން ތަމްސީލު ކުރަން އެއް މަގާމު އަދި ދެން އިންތިހާބު ކުރާނީ ކައުންސިލުގެ ރައީސެވެ.
ޚަރަދު ކުޑަކުރަން އަންވާފައި ވަނިކޮށް ފަރެސްމާތޮޑާ ކައުންސިލުން ނައިބާ ބައްދަލުރުމަށް މާލެ އައުން. ފޮޓޯ: ރައީސް އޮފީސް
މީގެކުރިން 2014 ވަނަ އަހަރު އަދި 2017 ވަނަ އަހަރު ކައުންސިލުން އިންތިހާބު ކުރި އަދަދެވެ. އާބާދީއަށް ރިއާޔަތްކޮށް 5 ނުވަތަ 7 އަށް ބަދަލުކުރީ 2021 ގައެވެ.
މި ހިޔާލުފުޅުތައް ހުށަހެޅުއްވި ނަމަވެސް ފަހުގެ ނިންމުން ނިންމާނީ ކައުންސިލްތަކާއި މިނިސްޓްރީ އަދި ގައުމީ ޔުނިވާސިޓީގެ ދިރާސާއަށްފަހު އޭގެ އަލީގައި ކަމަށް ރައީސް ވިދާޅުވި އެވެ.
"ސީއެންއެމް'' އަށް މައުލޫމާތު ދެއްވަމުން މުޙައްމަދު ނަޒީފް ވިދާޅުވީ ތިން މީހުން ތިބޭއިރު އެކަކު މަދުވިޔަސް ކައުންސިލެއް ނުހިނގާނެ ކަމަށެވެ. އަދި ތިން މީހުން ބޭއްތިއްބުމެކޭ ކުރީގަ ހުންނަހެން ކަތީބަކު ބެހެއްޓުމެކޭ އެއްގޮތް ކަމަށް އޭނާ ވިދާޅުވިއެވެ.
ކައުންސިލްތަކަށް ހާއްސަކޮށް ބޭއްވި ފޯރަމެއްގެ ތެރެއިން
އޭނާ ވިދާޅުވި ގޮތުން ކައުންސިލު ވާންޖެހޭނީ ބޮޑު ކައުންސިލަކަށެވެ. އަދި ކުޑަވީމަ ފޯކަސް ގެއްލޭނެއެވެ.
ނަޒީފް ވިދާޅުވީ ލޯކަލް ގަވަރނަންސް ނިޒާމާ ކުޅެންވާނީ އެކަން ރަނގަޅުކުރަން ކަމަށެވެ. އަދި ކައުންސިލުން އޭގެ ރޫހާ އެއްގޮތަށް ހަރަދު ކުޑަވާނެ ކަމަށާއި އޭރުން ވަރަށް ގިނަ މައްސަލަ ހައްލުވާނެ ކަމަށެވެ.
ލޯކަލް ގަވަރނަންސް ރައްޔިތުންގެ ބައިވެރިވުން އޮތުން މުހިންމުކަން ފާހަގަކުރައްވަމުން ނަޒީފް ވިދާޅުވީ ރައްޔިތުންގެ ތެރެއިން ތިން މީހަކު ތިބީމަ ރައްޔިތުންގެ ބައިވެރިވުން އެންމެ ރަނގަޅަށް ޝާމިލެއް ނުކުރެވޭނެ ކަމަށެވެ.
ލޯކަލް ގަވަނަންސް ނިޒާމަކީ ޚަރަދުބޮޑު އެއްޗަކަށް ހެދީ ރައްޔިތުންގެ މަޖިލީހުންނެވެ. 2006 ގައި މި ނިޒާމް ތައާރަފު ކުރަން ރަށްރަށުގައި ބޭއްވުނު މަޝްވަރާތަކުގައި ރައްޔިތުންގެ ގިނަބަޔަކު ބުނީ ކައުންސިލަރުންނަކީ ޕާޓްޓައިމް ބަޔަކަށް ހަދައި ދިނުމަށެވެ.
ތިންހާހުން ދަށް އާބާދީ ތަކުގައި, ތިން ކައުންސިލަރުން ބޭތިއްބުމަކީ ރާއްޖޭގައި ތަޖްރިބާކޮށް ފެއިލްވެފައި އޮތް ކަމަކަށްވާއިރު, އަނބުރާ އަނެއްކާ މި ނިޒާމަށް ބަދަލުކުރުން ގޯސް ކަމަށް ނަޒީފް ވިދާޅުވި އެވެ.