ރޮބާޓް މިހެން ވިދާޅުވީ ޕެންޝަން އޮފީހުން އިއްޔެ ކުރުނބާ މޯލްޑިވްސްގައި ބޭއްވި މޯލްޑިވްސް ފައިނޭންސް ފޯރަމްގައި ވާހަކަ ދައްކަވަމުންނެވެ.
ރާއްޖޭގައި މިހާރު 13 އިދާރާއަކުން ޑަބަލް ޕެންޝަން ދޭއިރު އޭގެ ތެރެއިން އެންމެ ބޮޑު އަދަދެއް ހޭދަކުރަނީ ސިފައިންނާއި ފުލުހުންނަށެވެ.
އެކަންކަމަށް އިޝާރާތްކޮށް ރޮބާޓް ވިދާޅުވީ ރާއްޖޭގެ ޕެންޝަން ނިޒާމް މިވަގުތު ހިންގަނީ އެންމެ ދެމެހެއްޓެނިވި ގޮތަކަށް ނޫން ކަމަށެވެ. އަދި ސިފައިން، ފުލުހުން، ޖުޑިޝަރީ އާއި އެހެން މިނިވަން މުވައްސަސާތަކުން ދޭ ޕެންޝަން ސްކީމުތައް ވަގުތީ ގޮތުން ހުއްޓާލަން ޖެހޭކަމަށެވެ.
ޑަބަލް ޕެންޝަން ދިނުމުގެ އިތުރުން މުއްސަނދި އާބާދީއަށްވެސް ޕެންޝަނުން ފައިދާނުވާނެ ގޮތް ހެދިދާނެކަމަށް ރޮބާޓް ވިދާޅުވިއެވެ.
ރޮބާޓް ވިދާޅުވީ ކުރިން އެކުލަވާލި ޕެންޝަން ނިޒާމުގެ ގަވައިދުތަކާ މިހާރު ހިލާފުވެފައިވާކަމަށެވެ. އުމުރުން ދުވަސްވީ މީހުންނަށް އެލަވަންސް ދޭން ފެށިގެންދިޔައިރު އެ އަދަދު އޭރު ކަނޑައެޅީ ބޭސިކް ޕެންޝަނުން ލިބޭ އަދަދަށް ވުރެ ދެ ގުނަ އިތުރު އަދަދެއް ކަމަށް ރޮބާޓް ފާހަގަކުރެއްވިއެވެ. އެއަށްފަހު ޑަބަލް ޕެންޝަންތައް އިތުރު ކުރިފަހުން ކުރަން ޖެހޭ ހަދަރު އިންތިހާއަށް ބޮޑުވެފައިވާކަމަށްވެސް ރޮބާޓް ވިދާޅުވި އެވެ.
އެންމެ ކުރިން ވެސް ސަރުކާރުން ޕެންޝަން ސްކީމުތައް ހިންގިއެވެ. ރާއްޖޭގެ ހުރިހާ ރައްޔިތުން ހިމެނޭ ގޮތަށް ރިޓަޔަމަންޓް ޕެންޝަން ސްކީމެއް ތައާރަފުކުރީ 2009 ވަނަ އަހަރުގަ އެވެ.
