ރައްޔިތުން މަޖިލީހުގެ މިނިވަން މުއައްސާސާތަކުގެ ކޮމެޓީގައި ވާހަކަ ދައްކަމުން ޑެޕިއުޓީ ކޮމިޝަނާ އޮފް ޕްރިޒަންސް އިބްރާހީމް މުހައްމަދު ދީދީ ވިދާޅުވީ ސްކޭމް ކޯލްތައް ހުއްޓުވުމަށް ޖަލުގައި ޖޭމްރަު ހަރުކުރިކަމަށެވެ. އެހެންނަމަވެސް އޭގެ ފަހުން ކުރިން ޖަލުގައި ރޭންޖު ނުލިބޭ ގޮޅިތަކަށް މިހާރު މާ ރަނގަޅަށް ރޭންޖު ލިބެމުން އަންނަކަން އޭނާ ފާހަގަކުރިއެވެ.
އެންޓަނާ ބޭނުންމެއް ނެތްކަން ފާހަގަކުރަމުން ޑެޕިއުޓީ ކޮމިޝަނަރު ވަނީ އެކަން އެއީ ބައެއް ވިޔަފާރީ ފުޅާކުރަން ކުރެވޭ ކަމެއްގެ ގޮތުގައި ސިފަކޮށްފައެވެ. އެހެންކަމުން އެކަން ހުއްޓާލަން މަޝްވަރާކުރާކަންވެސް އޭނާ ފާހަގަކުރެއްވިއެވެ.
ސްކޭމް ހުއްޓުވުމަށް ބެހެއްޓި އެންޓަނާއި ރޭންޖު ރަނގަޅުވުމުން ޖަލުން ކުރާ ކޯލްތަކުގެ ފާހަގަވާ ހުރިހާ ނަމްބަރުތަކެއްގެ ވެރިފިކޭޝަން ޕޮލިހުންނަށް ދޭން އުނދަގޫކަމަށް ދިރާގާއި އުރީދޫއިން ބުނެފައިވާކަން އިބްރާހިމް ދީދީ ފާހަގަކުރިއެވެ. އެހެންނަމަވެސް ކަރެކްޝަންގެ ހުރިހާ މުވައްޒަދުންގެ ނަމްބަރުތައް ފުލުހުންނަށް އެނގޭނެކަމަށާއި އެހެންކަމުން މުވައްޒަފުންގެ ކޯލްތައް ވަކިކުރަން އެގޭނެކަމަށްވެސް ޑެޕިއުޓީ ކޮމިޝަނަރު ވިދާޅުވިއެވެ.
ވަޒީރު އިހްސާން ވިދާޅުވީ އެންމެ ގިނައިން ސްކޭމް ކޯލުތައް ކުރަނީ ޖަލުތަކުން ކަމަށެވެ. އެހެންކަމުން އެކަން ހުއްޓުވުމަށް ބޭނުންވާ ވަސީލަތްތައް ގާއިމު ކުރާނެކަމަށެވެ. ވަގަށް ޖަލަށް ތަކެތި ވައްދާތީ އެކަން ހުއްޓުވުމަށް މާފުށީ ޖަލުގައި މެޓަލް ޑިޓެކްޓަރު ވަނީ ވަރަށް ފަހު ހަރުކޮށްފައެވެ. އަދި ޖަލަށް ތަކެތި ވެއްދުމުގައި ބައިވެރިވި ކަރަކްޝަންގެ 18 މުވައްޒަފަކު ވަނީ ހައްޔަރުކޮށްފައެވެ.
