އަބްދުއްލަތީފް އަހަވާރަވީ، އޭޑީކޭ ހޮސްޕިޓަލުގައި ފަރުވާ ދެމުން ދަނިކޮށް މިއަދު މެންދުރުއެވެ. އަވަހާރަވި އިރު އަބްދުއްލަތީފް އުމުރަކީ 94 އަހަރެވެ.
ތަފާތު ވިޔަފާރިތައް ވަރަށް ފުޅާ ދާއިރާއެއްގައި ކުރައްވާފައިވާ އަބްދުއްލަތީފަކީ ދިވެހީން ހައްޖަށް ގެންދިއުމުގެ ހިދުމަތް ފަސޭހަކޮށް، ވަރަށް ގިނަ އަހަރުތަކެއް ވަންދެއް ދެއްވި ހިދުމަތްތެރިއެކެވެ. އަތަމާ ހައްޖު ގްރޫޕްގެ ނަމުގައި ގިނަ އަހަރުތަކެއް ވަންދެން އޭނާގެ ބެއްލެވުމުގެ ދަށުން ހައްޖު ގްރޫޕެއް ވެސް ހިންގެވި އެވެ.
އަބްދުއްލަތީފަށް ވަނީ 1991 ވަނަ އަހަރު ދައުލަތުން ދޭ ހާއްސަ އިނާމު (ޖަމާއަތަށް ފައިދާހުރި ހާއްސަ ހިދުމަތްކުރުމުގެ ރޮނގުން) ވެސް ލިބިވަޑައިގެންފަ އެވެ.
އަބްދުއްލަތީފް ހަތަރު ކައިވެންޏެއް ކުރެއްވިއިރު ނުވަ ބޭފުޅުން ލިބިވަޑައިގެންނެވިއެވެ. އެއީ ފަސް ފިރިހެން ބޭފުޅުންނާއި ހަތަރު އަންހެން ބޭފުޅުންނެވެ.
