ނައިބު ރައީސަށް އީރާންގެ އެއާޕޯޓުން މަރުހަބާ ދެންނެވީ އެ ގައުމުގެ އިސްލާމިކް ކޮންސަލްޓޭޓިވް އެސެމްބްލީގެ ނައިބު ރައީސް ޑރ. އަލައިއްދީން ބޮރޫޖަރްދީއެވެ.
ރައީސް އޮފީހުން ބުނީ އީރާންގެ އާ ރައީސް ޑރ. މަސްއޫދު ޕެޒެޝްކިއާން މަގާމުގެ ހުވާކުރައްވާ ރަސްމިއްޔާތުގައި ނައިބު ރައީސް ހުސެއިން މުހައްމަދު ލަތީފު ބައިވެރިވެޑައިގަންނަވަނީ ރައީސް ޑރ. މުއިއްޒުގެ ހާއްސަ މަންދޫބެއްގެ ގޮތުގައެވެ.
މީ ފަހުގެ ތާރީހެއްގައި އިރާނަށް ރާއްޖޭގެ އިސްވެރިޔަކު ކުރައްވާ ފުރަތަމަ ދަތުފުޅެވެ.
ނައިބު ރައީސް ހުސެއިން މުހައްމަދު ލަތީފު އިރާނަށް ވަޑައިގެން އެ ގައުމުގެ އެއާޕޯޓްގައި
ރާއްޖެއާ އިރާނާ ސިޔާސީ ގުޅުން ގާއިމުކުރީ 1975 އަހަރުގެ ޖޫންމަހުގެ 2 ވަނަދުވަހުއެވެ. އެހެންނަމަވެސް އިރާނާއެކު އޮތް ސިޔާސީ ގުޅުން ރައީސް ޔާމީންގެ ވެރިކަމުގައި 2016 ވަނަ އަހަރުގެ މޭ 17 ކަނޑާލިއެވެ. ގުޅުން ކަނޑާލީ އޭރު އަރަބި ގަލްފު ސަރަހަދުގައި ޖެހުނު މައްސަލާގައި ސުލްހައަށް އިރާނުން މަސައްކަތް ނުކުރާކަމަށް ބުނެއެވެ. އޭރު އިރާނުގެ އިތުރުން ގަތަރާއިވެސް ރާއްޖެއިން ގުޅުން ކަނޑާލިއެވެ.
ހަތް އަހަރު ފަހުން އަލުން ދެ ގައުމުގެ ގުޅުން ގާއިމުކުރީ މިދިޔަ ވެރިކަމުގައި 2023 ވަނަ އަހަރުގެ މާރިޗުމަހުގެ 10 ވަނަ ދުވަހުއެވެ.
