ނަބާގެ ދެވަނަ މެޗުގައި ނަބާ ކުޅުނީ އެސްޓޯނިއާގެ ކުޅުންތެރިޔަކާ ދެކޮޅަށެވެ. ގުރޫޕް އެމްގައި ނަބާ ކުޅުނު މި މެޗަކީ ނަބާގެ ފަހު މެޗެވެ. އެސްޓޯނިއާގެ ކްރިސްޓީން ކޫބާ އަތުން ބަލިވިޔަސް، ރަނގަޅު ކުޅުމެއް ނަބާ މިއަދުވެސް ކުޅުނެވެ. ޔޫރަޕިއަން ޖޫނިއާ ބެޑްމިންޓަން ޗެމްޕިއަންޝިޕްގައި 2015 ގައި ބްރޯންޒް މެޑަލް ހޯދި ކޫބޯއާ ދެކޮޅަށް ކުޅުނު މެޗުން ނަބާހާ ބަލިވީ ސީދާ 21-7، 21-9 ނެވެ. ނަބާއާ ދެކޮޅަށް ކުޅުނު ކޫބާއަކީ ދުނިޔޭގެ ރޭންކިންގެ 73 ވަނައެވެ.
ނަބާ ފުރަތަމަ މެޗުގައި ކުޅުނީ އިންޑިޔާގެ ޗެމްޕިއަން އަދި ކުރިން އޮލިމްޕިކްސްގައި ދެ ރިހި މެޑަލް ހޯދި ޕީވީ ސިންދުއާ ދެކޮޅަށެވެ.
ނަބާހާ އަކީ ވިދިވިދިގެން ދެވަނަ އޮލިމްޕިކްސްގައި ވާދަކުރާ ރާއްޖޭގެ ފުރަތަމަ ބެޑްމިންޓަން އެތުލީޓެވެ. މިފަހަރުގެ އޮލިމްޕިކްސްއިން އޭނާ އަށް ފުރުސަތު ދޭން ނިންމީ، ގޭމްސް ޓްރިޕާޓައިޓް ކޮމިޝަނަށް، ކޮލިފައިން މުބާރާތްތަކުގައި އޭނާ ނެރުނު ނަތީޖާތައް ރަނގަޅުވުމުންނެވެ.
