މިއީ އެ ކުންފުނިން އިންވެސްޓްކޮށްގެން، ސިންގަޕޫރާއި ޔޫރަޕާއި އެފްރިކާގެ ރާއްޖެއާ ގުޅައިލެވޭ ގޮތަށް ކުޅުދުއްފުށްޓަށް އަޅާފައިވާ ބައިނަލްއަގުވާމީ ސަބްރިން ކޭބަލެކެވެ. ކުޅުދުއްފުއްޓާ ކޭބަލް ގުޅީ މި އަހަރުގެ ފެބްރުއަރީ މަހުގެ ތެރޭގަ އެވެ.
އުރީދޫއިން ބުނީ ހުޅުމާލެ ފިޔަވައި އިތުރު ރަށަކަށް އެޅި ފުރަތަމަ ބައިނަލްއަގުވާމީ އެ ސަބްމެރިން ކޭބަލްގެ ހިދުމަތް ފެށުމާއެކު، ރާއްޖެއާއި ޔޫރަޕް އަދި ސިންގަޕޫރު ގުޅާލެވިފައިވާ ކަމަށެވެ.
އެ ކުންފުނިން ބުނި ގޮތުގައި ޕީސް ކޭބަލްގެ ސަބަބުން މިހާރަށް ވުރެން ފުޅާކޮށް ހިދުމަތް ފޯރުކޮށްދިނުމުގެ ފުރުސަތުތައް ހުޅުވިގެން ދިއުމުގެ އިތުރުން ކުޅުދުއްފުށީގައި ޑޭޓާ ސެންޓަރުގެ ހިދުމަތް ހޯސްޓްކުރުމުގެ ފުރުސަތު ވެސް ހުޅުވިގެންދާނެ އެވެ. މީގެ އިތުރުން އުތުރުގެ ރަށްތަކުގައި ޑިޖިޓަލް ވިޔަފާރިތަކާއި ސޮފްޓްވެއާ ޑިވެލޮޕްމަންޓް ފެސިލިޓީތައް ކުރިއަރައިގެން ދާނެ ކަމަށްވެސް އުރީދޫ މޯލްޑިވްސް އިން ބުނެ އެވެ.
"ޕީސް ކޭބަލް" އާ އެކީ މުވާސަލާތީ ހިދުމަތް ދިނުމުގައި މުޅި ރާއްޖެއަށް އިތުރު ފަސޭހަތަކެއް ލިބި، ހިދުމަތްތަކުގެ ފެންވަރު އިތުރަށް ރަގަޅުވުމަށް މަގުފަހިވާނެ ކަމަށް އުރީދޫން ބުނެ އެވެ.
