މިދިޔަ ބުދަ ދުވަހު މެންދުރު ހުޅުމާލޭގައި ހިނގި ނުރައްކާތެރި އެކްސިޑެންޓްގައި މީހަކަށް އަނިޔާވެ އޭނާއަށް އައިޖީއެމްއެޗްގައި އަންނަނީ ފަރުވާދެމުންނެވެ. މިމިހާގެ ހާލު ސީރިއަސްކަމަށް އެ ހޮސްޕިޓަލުން ވަނީ ބުނެފައެވެ.
އެކްސިޑެންޓްވުމުން ކާރުގައި ތިބި މީހުން ވަނީ ފިލައިގެން ގޮސްފައެވެ. މި މައްސަލާފައި ތިން މީހަކު ވަނީ ހައްޔަރުކޮށްފައެވެ. މި އެންމެންވެސް ހައްޔަރުކުރީ ކޯޓް އަމުރެއްގެ ދަށުންނެވެ. ހައްޔަރުކުރި އެންމެނަކީވެސް ކުށުގެ ރެކޯޑްތައް އޮތް މީހުންނެވެ.
މި މައްސަލަައާ ގުޅިގެން ހައްޔަރުކުރި މީހުން
- ކ. މާލެ، ހ. ނޫރަންމާގެއާގެ އިކްރާމްއަބްދުއްރަހުމާން
- ކ. މާލެ، މ. ލޭންޑްއޮފްގާރޑްން އިބްރާހިމް އިކްރާމް
- ގއ. ކަނޑުހުޅުދޫ، އާޒާދުގެ ޖިނާހް އިސްމާއިލް
މި މީހުން ބައްދުގެ މުއްދަތު ޖަހަން ކޯޓަށް ގެންދިޔުމުން ބުނެފައިވަނީ އެމީހުންގެ ދަރިން ތިބޭކަމަށެވެ. އަދި ވީހާވެސް ލުއި އަދަބެއް ދިނުމަށް އެމީހުން ވަނީ އެދިފައެވެ.
ކޯޓުގައި ވާހަކަ ދައްކަމުން ކާރު ދުއްވަން އިން އިބްރާހިމް އިކްރާމް ކޯޓުގައި ބުނީ އެކްސިޑެންޓްވުމުން އެ ސަރަހަދުން ދިޔައީ މެޔަށް ތަދުވާތީކަމަށެވެ. އަދި އެ ސީން ދޫކޮށްދިޔައީ ފުލުހުން ގާތުގައި ބުނެފައިކަމަށްްވެސް އޭނާ ބުންޏެވެ. އެހެންނަމަވެސް ފުލުހުން އޭނާގެ އެ ވާހަކަތަކަށްް އިންކާރުކުރި އެވެ.
މި އެންމެންގެވެސް ބަންދުގެ މުއްދަތު ކޯޓުން މިއަދުވަނީ އިތުރުކޮށްފަ އެވެ. ޖިނާހް އިސްމާއިލްގެ ބަންދަށްް 15 ދުވަސް ޖެހިއިރު އަނެއް ދެމީހުން ޝަރީއަތް ނިމެންދެން ބަންދުކުރުމަށް ކޯޓުން ވަނީ އަމުރުކޮށްފަ އެވެ.
ބާރު ސްޕީޑްގައި ދުއްވާފައި އައި ކާރު ޖެހުނީ މަގުމަތީ އެއްފަރާތުގައި ސައިކަލެއްގައި މަޑުކޮށްލައިގެން އިން މީހާގައިގައެވެ. އެެއާއެކު އެމީހާ ވިއްސައިގެން ގޮސް ވެއްޓޭތާ އިރުކޮޅެއްފަހުން ކާރުގައި ތިބި މީހުން ކާރުން ފައިބާތައް ފެނެ އެވެ. އަދި އެތަނުން ދުރަށް ގޮސް މީހެއްގެ ސައިކަލުގައި ފަހަތަށް އަރައިގެން އެކަކު ދާތަން އާއްމުވެފައިވާ ވީޑިއޯތަކުން ފެނެ އެވެ.
