ނޮޅިވަރަންފަރު ކައުންސިލުން މިކަން ހާމަކޮށްފައިވަނީ ގެޒެޓްގައި ކުރި އިއުލާނެއްގަ އެވެ.
އެ އިއުލާނުގައި ބުނެފައި ވަނީ ލިސްޓްގައިވާ ފަރާތްތަކަށް ޕޮއިންޓް ލިބިފައިވާ ގޮތާމެދު އެއްވެސް ޝަކުވާއެއް ވާނަމަ، 15 އޯގަސްޓް 2024 ވާ ބުރާސްފަތި ދުވަހުގެ 12:00 ގެ ކުރިން، ޝަކުވާ ސާފުވާނެހެން ލިޔުމުން ތިލަދުންމަތީ ދެކުނުބުރީ ނޮޅިވަރަންފަރު ކައުންސިލްގެ އިދާރާއަށް ހުށަހެޅުމަށެވެ. އަދި މި މުއްދަތުގެ ފަހުން ހުށަހަޅާ ޝަކުވާ އާއި އަނގަބަހުން ހުށަހަޅާ ޝަކުވާ ބަލައި ނުގަނެވޭނެކަމަށްވެސް އިލާނުގައި ބުނެފައިވެ އެވެ.
ވަގުތީ ނަތީޖާ ލިސްޓްގައި ވާ ފަރާތް ތަކުގެ ތެރެއިން ދެމަފިރިންނަށް ހައުސިންގ ޔުނިޓް ލިބޭ މިންވަރަށް ޕޮއިންޓް ލިބިފައިވާނަމަ، ދެމަފިރިންގެ ތެރެއިން ހައުސިންގ ޔުނިޓް ދޫކޮށްލާ ފަރާތުގެ މައުލޫމާތު ދެ ފަރާތުން ސޮއިކޮށް، އިނގިލީގެ ނިޝާން ޖަހައި ލިޔުމުން އެ އިދާރާއައް 12 އޯގަސްޓް 2024 ވާ ހޯމަ ދުވަހުގެ 12:00 ގެ ކުރިން ހުށަހެޅުމަށްވެސް އިއުލާނުގައި ވަނީ ބުނެފަ އެވެ.
އިއުލާނުގައި އިތުރަށް ބުނެފައިވަނީ، ޝަކުވާ ހުށަހަޅަން ބޭނުންވާ ފަރާތްތަކުން [email protected] މި އީމެއިލް އީމެއިލް އެޑްރެހަށް ޝަކުވާ ހުށަހެޅޭނެ ކަމަށެވެ.
ކައުންސިލުން ބުނީ ލިސްޓު އާންމުކޮށްފައި ވަނީ އެންމެ މަތިން ތިރިއަށް މާކްސް ލިބިފައިވާ ތަރުތީބުން ކަމަށެވެ. އަދި މި ހައުސިން ޔުނިޓްތަކަށް ޕޮއިންޓް ދިނުމަށް އެކުލަވާލެވިފައިވާ އުސޫލު ވެސް އާންމުކޮށްފައިވާ ކަމަަށެވެ.
