މި ހިނގާލުން ޝަރަފްވެރިކޮށްދެއްވީވެސް ރައީސް ޑރ. މުއިއްޒެވެ. ޝަރަފުގެ ހިނގާލުން ފެށީ، މިއަދު ހަވީރު 16:15 ގައި ބަންޑާރަކޮށިންނެވެ.
އެ ހިނގާލުމުގައި ޖުމްލަ ފަސް ތަނެއްގައި ލަޝްކަރު ހުއްޓާފައި ވެއެވެ. އެއިން ކޮންމެ ތަނެއްގައި މިލިޓަރީ ބޭންޑުގައި ރާގު ކުޅެފައި ވެއެވެ
ހިނގާލުން ކުރިއަށްގެންދާތީ މިއަދު ހަވީރު 6 ޖެހުމާ ހަމައަށް މާލޭގެ މަގުތަކުގައި އިންޖީނުލީ އުޅަނދު ދުއްވުން ވަނީ މަނާކޮށްފަ އެވެ.
މިނިވަން ދުވަސް ފާހަގަކުރުމަށް ދިވެހި އަސްކަރިއްޔާއިން ކުރިއަށްގެންދިޔަ ޝަރަފުގެ ހިނގާލުން---
މި ހިންގާލުން މިއަދު ބާއްވާފައިވަނީ މިދިޔަ ހަފްތާގައި މޫސުން ގޯސްވުމުގެ ސަބަބުން ޕެރޭޑު ފަސްކުރުމުންނެވެ. މިނިވަންދުވަހުގެ ޕެރޭޑު މާދަމާ ހުޅުމާލޭގައި އޮންނާނެ އެވެ.
އަށާރަސަތޭކަ އަށްޑިހަ ހަތްވަނަ އަހަރުގެ ޑިސެމްބަރު މަހުން ފެށިގެން ރާއްޖެ އިނގިރޭސިންގެ ހިމާޔަތުގެ ދަށުގައި އޮތުމަށް ފަހު އެ އެއްބަސްވުން އުވާލާއި އާ މުވާހަދާއެއްގައި ސޮއިކުރި އެވެ. އެ މުއާހަދާއާ އެކު ހާރިޖީގޮތުންނާއި ސިޔާސީގޮތުން ފުރިހަމަ މިނިވަން ގައުމަކަށް ރާއްޖެ ވެގެންދިޔަ އެވެ.
ދިވެހިރާއްޖޭގެ މިނިވަން ދުވަސް ފާހަގަކުރަނީ ކޮންމެ އަހަރެއްގެވެސް ޖުލައި މަހުގެ 26 ވަނަ ދުވަހު އެވެ.
