އޭނަގެ އަމިއްލަ ޕްރޮޑަކްޝަން ހައުސް، މަނިކަރްނިކާ ފިލްމްސް ވެސް ހިންގަމުން އަންނަ މި އިމާރާތް ހުންނަނީ މުމްބާއީގެ ބަންޑްރާގެ އެންމެ މަޝްހޫރު އެއް ހިސާބު ކަމަށްވާ ޕާލީ ހިލްގަ އެވެ.
ބޮޑު މިނުގައި 3،042 އަކަފޫޓްގެ ބިމެއްގައި ހުރި ތިން ބުރީގެ އިމާރާތް ވިއްކައިލަން އިއުލާންކޮށްފައި ވަނީ 40 ކްރޯޑް ރުޕީސް (4.7 މިލިއަން ޑޮލަރު) އަށެވެ.
ސިޔާސީ ދާއިރާގައި އުޅެމުން ފިލްމީ ކަންކަމަށް ވަގުތު ހުސްކުރާނީ ކިހިނެއްތޯ "އާޖް ތަކް" އަށް ދިން އިންޓަވިއުގައި ކަންގަނާ އާ ސުވާލުކުރުމުން ޖަވާބުގައި އޭނާ ބުނެފައި ވަނީ ގޮނޑި ކާމިޔާބުވެއްޖެ ނަމަ ފިލްމު ކުޅުން ހުއްޓާލާނެ ކަމަށެވެ.
ނަމަވެސް އޭނަ ސިޔާސީ މަސައްކަތަށް ނުކުތުމުގެ ކުރިން ނިންމާފައި އޮތް ފިލްމު "އިމަޖެންސީ" ގެ މަސައްކަތް ނިމި އެ ފިލްމު ސިނަމާތަކުގައި އަންނަ މަހުގެ 6 ގަ ދައްކާނެ އެވެ.
އިންޑިއާގެ ވެރިކަން ކުރާ ޕާޓީ، ބީޖޭޕީގެ މެންބަރެއްގެ ގޮތުގައި ކަންގަނާ ލޯކް ސަބާގައި ތަމްސީލު ކުރަނީ އޭނަގެ އުފަން ސްޓޭޓް، ހިމާޗަލް ޕްރަދޭޝްގެ މަންޑީ ދާއިރާ އެވެ.
