މި އަހަރުގެ ދެ ވަނަ ކުއާޓަރުގައި އުރީދޫ އަށް އާމްދަނީގެ ގޮތުގައި 540.7 މިލިއަން ރުފިޔާ ވަނީ ލިބިފަ އެވެ. މިއީ ފުރަތަމަ ކުއާޓަރަށް ވުރެ ދަށް އާމްދަނީއެކެވެ. އުރީދު އަށް އަހަރުގެ ފުރަތަމަ ކުއާޓަރުގައި ލިބުނީ 554 މިލިއަން ރުފިޔާގެ އާމްދަނީއެކެވެ.
އެ ކުންފުނިން އާންމުކޮށްފައިވާ މިއަހަރުގެ ދެވަނަ ކުއާޓަރުގެ މާލީ ހިސާބުތައް ދައްކާ ގޮތުންް އެ ކުއާޓަރުގައި އެ ކުންފުންޏަށް ލިބުނު އާމްދަނީގެ ތެރެއިން 415.2 މިލިއަން ރުފިޔާއަކީ މޯބައިލް ހިދުމަތްތަކުން ލިބުނު އާމްދަނީ އެވެ.
މީގެ އިތުރުން ފިކްސްޑް، ބްރޯޑްބޭންޑް އެންޑް އެންޓަޕްރައިސް ހިދުމަތްތަކުން 125.2 މިލިއަން ރުފިޔާގެ އާމްދަނީއެއް ލިބުނު އިރު އެހެނިހެން ހިދުމަތްތަކުން 238،000ރ. ގެ އާމްދަނީއެއް ލިބުނެވެ.
މި އަދަދާއެކު އަހަރުގެ ފުރަތަމަ ދެ ކުއާޓަރު - ހަ މަސް ދުވަހުގެ ތެރޭގައި މިއަހަރު 19ވަނަ އަހަރީ ދުވަސް ފާހަގަކުރަމުން އަންނަ އުރީދޫއަށް އާމްދަނީގެ ގޮތުގައި އެއް ބިލިއަން ރުފިޔާ ވަނީ ލިބިފަ އެވެ.
