އެގައުމުގެ އިސްލާމިކް މިނިސްޓަރާ ބައްދަލުކުރައްވާފައިވާއިރު ޝަހީމް ސައުދީ އަރަބިއްޔާއަށް ވަޑައިގަތީ އެގައުމުގައި ފަށާ އިސްލާމީ ގައުމުތަކުގެ އިސްލާމިކް މިނިސްޓްރީތައް ބައިވެރިވާ ކޮންފަރެންސެއްގައި ބައިވެރިވެ ވަޑައިގަތުމަށެވެ.
އިސްލާމިކް މިނިސްޓަރާ ބައްދަލުކުރައްވާ ޝަހީމް ވަނީ ކުރިއަށް އޮތްތަނުގައި ދެ މިނިސްޓްރީގެ ގުޅުން އިތުރަށް ބަދަހި ކުރުމަށް އުއްމީދުކުރައްވާކަަމަށް ވިދާޅުވެފަ އެވެ.
އޭގެ އިތުރުން މިއަދުގެ ވަގުތެއްގައި ޝަހީމް ސައުދީގެ މީޑިއާއަށް އިންޓަވިއުއެއް ދެއްވާ ސައުދީ ސަރުކަރުން ރާއޖެއަށް ދެއްވާ އެހީތެރިކަމަށް ޝުކުރު އަދާކުރެއްވި އެވެ.
މައްކާގައި ބޭއްވުމަށް ހަމަޖެހިފައިވާ މި ބައިނަލްއަގުވާމީ ކޮންފަރެންސް ކުރިއަށްދާނީ މިއަދުން ފެށިގެން މާދަމާގެ ނިޔަލަށެވެ. ކޮންފަރަންސްގެ ހުޅުވުމުގެ ރަސްމިޔާތުގައި ޝަހީމް މިއަދު ބައިވެރވަޑައިގަތެވެ.
އިސްލާމީ އުންމަތުގެ މުހިއްމު މައުލޫއުތަކަށް އިލްމީ ކަރުދާސްތައް ހުށައެޅިގެންދާ މި ކޮންފަރެންސްގައި މިނިސްޓަރު ޝަހީމް ބައެއް ސެޝަންތައް ޗެއާކޮށްދެއްވުމަށް ހަމަޖެހިފައިވާ ކަމަށް އިސްލާމިކް މިނިސްޓްރީން ބުނެ އެވެ.
މި ކޮންފަރެންސްގައި 60 އަށް ވުރެ ގިނަ އިސްލާމީ ގައުމުން ވަޒީރުންނާއި، މުފްތީންނާއި އިސްލާމީ މަޖިލިސްތަކާއި މުއައްސަސާތަކާއި ޖަމިއްޔާތައް ތަމްސީލު ކުރާނެ އެވެ.
