މިއީ، ރާއްޖޭގެ އުތުރުގެ ރަށެއްގައި ހިނގި ހާދިސާއެކެވެ. މި ހާދިސާގެ ޝަރީއަތް ނިމުނު ގޮތުގެ ރިޕޯޓުން އެނގޭ ގޮތުގައި، 18 އަހަރު ނުވާ ކުއްޖަކާ އޭނާގެ ދޮންބައްޕަ ތަކުރާރުކޮށް އައީ ޖިންސީ ގޯނާ ކުރަމުންނެވެ. މި މައްސަލައިގައި ދައުލަތުން އެ މީހާގެ މައްޗަށް އުފުލާފައިވަނީ ކުޑަ ކުއްޖަކަށް އިތުބާރު ކުރަންޖެހޭ މަގާމެއްގައި ހުރި މީހަކު، އެ ކުޑަ ކުއްޖާއާއެކު ޖިންސީ އަމަލެއް ހިންގުމުގެ ކުށުގެ ދައުވާ އެވެ.
މި ހާދިސާގައި ކުޑަ ކުއްޖަކު ނިދާފައި އޮއްވާ ބެހުނު ދޮންބައްޕަވަނީ އޭނާގެ މައްޗަށް ކުރެވުނު ތުހުމަތުތަކަށް ޝަރީއަތުގެ މަރުހަލާގައިވެސް އަދި ތަހުގީގު މަރުހަލާގައިވެސް އިންކާރުކޮށްފައެވެ. އެހެންކަމުން ދޮންބައްޕަގެ މައްޗަށް މި ކުށް ސާބިތުކޮށްފައިވަނީ ހުށަހެޅި ހެއްކާއި ގަރީނާތަކުގެ އަލީގައެވެ.
މި ހަބަރުގައި ހާދިސާގެ ތަފްސީލް އަދި އެ މީހާގެ މައުލޫމާތު ހިމަނާފައި ނުވަނީ އަނިޔާ ލިބުނު ކުޑަ ކުއްޖާގެ މަސްލަހަތު ރައްކާތެރި ކުރުމަށެވެ.
