އިސްލާމީ ގައުމުތަކުގެ އިސްލާމިކް މިނިސްޓްރީތައް ބައިވެރިވާ ކޮންފަރެންސެއްގައި ބައިވެރިވެޑަިގަތުމަށް އިސްލާމީ ކަންތައްތަކާއި ބެހޭ ވަޒީރު ޑރ މުހައްމަދު ޝަހީމް އަލީ ސައީދު މި ވަގުތު ހުންނެވީ ސައުދީ އަރަބިއްޔާގައެވެ.
މި ދަތުރުގެ ތެރެއިން ވަޒީރު ޝަހީމް ވަނީ ފަލަސްތީނުގެ އިސްލާމިކް މިނިސްޓަރ ޑރ. މުހައްމަދު މުސްތަފާ ނަޖުމުއާ ބައްދަލުކުރައްވާފައެވެ. ވަޒީރު ޝަހީމް ވިދާޅުވީ މިބައްދަލުވުމުގައި އެމަނިކުފާނު ރާއްޖެވަޑައިގެން، އިސްލާމީ މަރުކަޒުގައި ހުތުބާއެއް ދެއްވުމަށް ދައުވަތު އަރުވާފައިވާކަމަށެވެ.
އިސްލާމީ ކަންތައްތަކާ ބެހޭ ވުޒާރާތަކުގެ ވަޒީރުންގެ 9 ވަނަ ޖަލްސާގެ 5 ވަނަ ސެޝަންގެ ރިޔާސަތުގައި ޑރ ޝަހީމް
ސައުދީއަށް ޝަހީމް ކުރައްވާ މި ދަތުރުގައި އިއްޔެ ވަނީ އެގައުމުގެ އިސްލާމިކް މިނިސްޓަރު ޝައިހު ޑރ. އަބްދުއްލަތީފު އާލުއްޝައިހާ އާ އިއިއްޔެ ބައްދަލުކުރައްވާފައެވެ. އަދި އިސްލާމީ ދުނިޔޭގެ އިސްލާމީ ކަންތައްތަކާ ބެހޭ ވުޒާރާތަކުގެ ވަޒީރުންގެ 9 ވަނަ ޖަލްސާގެ 5 ވަނަ ސެޝަންގެ ރިޔާސަތު ބެލެހެއްޓެވީވެސް ޑރ ޝަހީމް އެވެ.
މި ސެޝަންގެ ޝިޢާރަކީ 'މުސްލިމުން ގިނަ ޤައުމުތަކުގައި ރައްޔިތުކަން ކުރިއެރުވުމާއި އިސްލާމީ މުޖުތަމަޢުތަކުގެ އިސްތިޤްރާރަށް އޭގެ ސަބަބުން ކުރާ އަސަރު' އެވެ.
އިސްލާމީ ދުނިޔޭގެ އިސްލާމީ ކަންތައްތަކާ ބެހޭ ވުޒާރާތަކުގެ ވަޒީރުންގެ 9 ވަނަ ޖަލްސާ މި މަހުގެ 3 ވަނަ ދުވަހުން 7 ވަނަ ދުވަހާ ހަމައަށް ކުރިއަށްދާނެއެވެ.
