ފިޝަރީޒް މިނިސްޓްރީގެ ޑިރެކްޓާ ޖެނެރަލް ޑރ. ހުސައިން ސިނާން ވިދާޅުވީ ކުދިފަންތިއާއި މެދުފަންތީގެ ވިޔަފާރިތަކަށް ޚާއްސަކޮށްގެން މަސް އެކްސްޕޯޓު ކުރުމަށްޓަކައި ކުޑަ ޕެކިން ފެސިލިޓީއެއް އެޅުމަށް ނިންމާފައިވާކަމަށެވެ.
މި ފެސިލިޓީ އެޅުމަށްޓަކައި އިސްލާމިކް ޑިވެލޮޕްމަންޓް ބޭންކުން ފައިސާ ހަމަޖެހިފައިވާ ކަން ސިނާން ފާހަގަކުރެއްވިއެވެ. އޭނާ ވިދާޅުވީ މި ފެސިލިޓީގެ އޮޕަރޭޝަންތައް ކުރިއަށްގެންދާނެ ގޮތަކާ ގުޅޭގޮތުން މިފްކޯއާއެކު މަޝްވަރާކުރަމުން އަންކަމަށެވެ. ސިނާން ވިދާޅުވީ މި ފެސިލިޓީ އަޅާނީ ހުޅުމާލޭގައިކަމަށެވެ.
މި ފެސިލިޓީ ގާއިމުކުރުމުން މިހާރު މަސް އެކްސްޕޯޓްކުރާ ކުދި ވިޔަފާރި ވެރިންނަށް ހަރަދަށް ބޮޑުތަނުން ލުޔެއް ލިބިގެންދާނެކަމަށް ޕިޝަރީޒް މިނިސްޓްރީން ބުނެއެވެ.
މާލެ އަތޮޅުގައި އޮންނަ ކ. ކަނޑުއޮތްގިރީގައި މިފްކޯ އިން ކުރިއަށް ގެންދާ ހުރިހާ މަސައްކަތްތަކެއް ހުޅުމާލެއަށް ބަދަލުކުރުމުގެ މަސައްކަތް ކުރަމުން އަންކަމަސްވެސް ފިޝަރީޒް މިނިސްޓްރީން ބުނެއެވެ.
