ރަށްރަށަށް އާމްދަނީ ހޯދޭނެ މަގު ފަހިކޮށްދިނުމުގެ ގޮތުން މި ސަރުކާރުން ރާއްޖޭގެ ހުރިހާ ކައުންސިލަކަށް ފަޅުރަށް ދޫކުރާނެ ކަމަށާއި، ކައުންސިލްތަކަށް އެ ރަށްތައް ލިބޭ މުއްދަތު ވެސް އިތުރުކުރައްވާނެކަން ރައީސް މުއިއްޒު އިއުލާން ކުރެއްވީ މިދިޔަ މަޖިލިސް އިންތިހާބުގައި ރ. މީދު ރައްޔިތުންނާއި ބައްދަލުކުރައްވާ ވާހަކަ ދައްކަވަމުންނެވެ.
މާލޭ ސިޓީ ކައުންސިލަށް އަލަށް ހޮވުނު މެމްބަރުން ހުވާކުރުމަށް މިއަދު ބޭއްވި ރަސްމިއްޔާތުގައި ވާހަކަ ދައްކަވަމުން ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު އާދަމް ޝަރީފު އުމަރު ވިދާޅުވީ ސަރުކާރުން ހުޅުވާލި ފުރުސަތަށް މިހާތަނަށް 4 ކައުންސިލަކުން ޕްރޮޕޯސަލް ހުށައަޅާފައިވާކަމަށެވެ.
ފަޅުރަށް ނަގަން މިހާތަނަށް ހުށައެޅި ކައުންސިލްތައް
- ރ. އިގުރައިދޫ ކައުންސިލް
- ދ. ކުޑަހުވަދޫ ކައުންސިލް
- މ. އަތޮޅު ކައުންސިލް
- ލ. މާވަށު ކައުންސިލް
ފަޅު ރަށްތައް ދޫކުރުމުގެ ގަވާއިދުގައިވާ ގޮތުން ގަވާއިދުގައިވާ ގޮތުން މިހާރު ލިބެން އޮތީ 10 އަހަރުގެ މުއްދަތަކަށް ނަމަވެސް، ގަވާއިދު ބުނާ ގޮތުން، ރަށްތަށް 21 އަހަރުގެ މުއްދަތަކަށް ދޫކުރެވޭނެއެވެ.
ކައުންސިލްތަކަށް ދޫކުރުމަށް 12 އަތޮޅަކުން 28 ރަށް ކަނޑައަޅާ އެކަން ސަރުކާރުން ވަނީ އިއުލާންކޮށްފައެވެ.
