މިނިސްޓަރު މިހެން ވިދާޅުވީ އެމްއެމްޕީއާރްސީއިން ކުރިއަށް ގެންދިޔަ އިންޑިއާ ރޯޑްޝޯ އާ ގުޅިގެން ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ. މިހާރު ރާއްޖޭގެ ފަތުރުވެރިކަމުގެ ދާއިރާ ޑައިވާސިފައި ކުރަން ޖެހޭ ކަމަށް ފައިސަލް ވިދާޅުވި އެވެ.
މި ބައްދަލުވުމުގައު އެމްއެމްޕީއާރްސީގެ ސީއީއޯ، އިބްރާހިމް ޝިއުރީ ވެސް ވަނީ މިވާހަކަ ތަކުރާރު ކުރައްވާފަ އެވެ. ރާއްޖޭގެ ފަތުރުވެރިކަން ރަނގަޅު ކުރުމަށް ޑައިވާސިފައި ކުރުމަކީ މުހިންމު ކަމެއް ކަމަަށް އޭނާ ވިދާޅުވި އެވެ.
ސްޕޯޓްސް ޓޫރިޒަމް، ފިލްމް ޓޫރިޒަމް، އަދި އެޑިއުކޭޝަން ޓޫރިޒަމްގެ މަސައްކަތް ކުރުމުގެ ވިސްނުން ހުރިކަމަށް ވެސް އޭނާ ވަނީ ވިދާޅުވެފަ އެވެ. އެކި ލޮކޭޝަން ތަކުގައި ފިލްމް އެއްޗެހި ޝޫޓް ކުރީމަ އެތަންތަން ބަލާލަން އަންނަ ފަތުރުވެރިންވެސް ވަރަށް ގިނަ ކަމަށް ޝިއުރީ ވިދާޅުވި އެވެ.
އިންޑިއާ ރޯޑްޝޯ ބޭއްވިގެން މިދިޔަ އިންޑިއާއިން ރާއްޖެ ފަތުރުވެރިކަމުގެ ޑެސްޓިނޭޝަން އެއް ގޮތުން ބޮއިކޮޓު ކޮށްފައިވާ ދަނޑިވަޅެއްގައި އެވެ. މިކަމާ ގުޅިގެން އިންޑިއާ މާކެޓް އެއްވަނައި ގައި އޮވެފާ ވަނީ ތިންވަނަ އަށް ވެއްޓިފަ އެވެ. މިކަން ހައްލުކުރުމުގެ ގޮތުން އެކި މަޝްރޫއުތައް ހިންގުމަށް ހަމަޖެހިފައި ވާ ކަމަށް މިނިސްޓާ ވިދާޅުވި އެވެ. އިންވެސްޓާޒް ފޯރަމްއެއްވެސް ކުރިއަށް ގެންގޮސްފައިވާ ކަމަށް ވިދާޅުވި އެވެ.
