ފުލުހުން ބުނީ މި މައްސަލާގައި ކަރެކްޝަނަލް ސާވިސްގެ 13 އޮފިސަރެއްގެ މައްޗަށް ދައުވާކުރަން ފޮނުވާފައިވާކަމަށެވެ. މި މައްސަލާގައި ދައުވާކުރަން ފޮނުވި މީހުންގެ ވަނަވަރު ފުލުހުން ވަނީ މިއަދު އާއްމުކޮށްފައެވެ.
ޖަލުގައި ތިބޭ ކުށްވެރިންނަށް މަސްތުވާތަކެއްޗާއި ފޯނު ފަދަ ތަކެތި، ރިޝްވަތު ނައިގެން ފޯރުކޮށް ދެމުން ދިޔަ މައްސަލައިގައި ހައްޔަރުކުރި މޯލްޑިވްސް ކަރެކްޝަނަލް ސާވިސަސްގެ 13 އޮފިސަރުންގެ ތެރެއިން 11 އޮފިސަރަކު ޝަރީއަތް ނިމެންދަން ބަންދު ކުރަން ކޯޓުން ވަނީ އަމުރުކޮށްފައެވެ.
މި ހުރިހާ އޮފިސަރުން ހައްޔަރުކުރުމަށްފަހު، އެ މީހުން ދިރިއުޅެމުންދިޔަ ތަންތަން ފުލުހުން ވަނީ ބަލާ ފާސްކޮށްފައެވެ.
ޖަލަށް ޑްރަގާއި ފޯން ވެެއްދިކަމުގެ ތުހުމަތުގައި ދައުވާކުރަން ފޮނުވި ކަރެކްޝަންގެ މުވައްޒަފުން
މި މައްސަލައިގައި 18 ކަރެކްޝަންސް އޮފިސަރުން ހިމެނޭ ކަމަށާއި އެ އޮފިސަރުންގެ އެކައުންޓަށް މިދިޔަ އަހަރު އެކަނި ވެސް 73.3 މިލިއަން ރުފިޔާ ޖަމާކޮށްފައިވާ ކަމަށް ހޯމް މިނިސްޓަރު އަލީ އިހުސާން ވަނީ ވިދާޅުވެފައެވެ.
އެއް އޮފިސަރެއްގެ އެކައުންޓަށް އަހަރެއް ތެރޭގައި 24 މިލިއަން ރުފިޔާ ޖަމާކޮށްފައިވާއިރު، އެ ފައިސާ ޖަމާކޮށްފައި ވަނީ ކުދި އަދަދުތަކުން ކަމަށް ވެސް އިހްސާން ވަނީ ވިދާޅުވެފައެވެ.
