މޫސުމާއި ބެހޭ ގައުމީ އިދާރާއިން ވަނީ ހއ އަތޮޅުން ފެށިގެން ދެކުނު ގދ އަތޮަޅާއި ހަމައަށް ރިނދޫ އެލާޓް ނެރެފައެވެ. އެލާޓް ނެރެފައިވަނީ ފަތިހުން ފެށިގެން ހެނދުނު 09:00 ޖެހުމާއި ހަމައަށެވެ.
މެޓް އޮފީހުން ބުނީ ޔެލޯ އެލާޓް ނެރެފައިވާ ސަރަހައްދުތަކަށް ގުގުރުމާއި އެކު ބޯކޮށް ވާރޭވެހޭނެކަަމަށެވެ. އަދި ކަނޑުތައް ގަދަވެ ވިލާގަނޑގައި 40 ވައި ގަދަވާނެކަަމަށެވެ.
މިހާރު ރާއްޖެއަށް ކުރަމުންދާ ހުޅަނގު މޫސުމުގެ ވިއްސާރާގައި މި ހަފްތާގެ ހުރިހާ ދުވަހަކު ރާއްޖޭގެ ހުރިހާ ހިސާބަކަށް މޫސުން ގޯސްވާނެ ކަމަށް މޫސުމާއި ބެހޭ ގައުމީ އިދާރާއިން ވަނީ ބުނެފައެވެ.
މޫސުމަށް ސަމާލުވުމަށް ފުލުހުން ނެރެފައިވާ އިރުޝާދު
ބޯކޮށް ވާރޭވެހި ފެން ބޮޑުވާނެތީ ރައްކާތެރިކަމުގެ ފިޔަވަޅުތައް އެޅުމަށް ނޭޝަނަލް ޑިޒާސްޓާ މެނޭޖްމަންޓް އޮތޯރިޓީން ވަނީ އިލްތިމާސްކޮށްފައެވެ. އަދި ފުލުހުންނާއި އެމްއެންޑީއެފުންވެސް ވަނީ ރައްކާތެރިކަމުގެ އިރުޝާދުތައް ނެރެފައެވެ.
