އެ ކައުންސިލުން ބުނީ މާލެ ސިޓީގެ އިހްތިސްސްގައި ހިމެނޭ، މާލެ އަދި ވިލިމާލޭގެ އާބަން ޕްލޭނިން މަސައްކަތްތަށް ކުރުމަށާއި، ލޭންޑް ޔޫސް ޕްލޭނަށް ގެންނަންޖެހޭ ބަދަލުތަށް ގެނައުމަށް ކޮންސަލްޓެންސީދޭނެ ފަރާތެއް ބޭނުންވާކަމަށެވެ.
އަދި އެމީހަކީ ކައުންސިލުން ހިންގުމަށް ބޭނުންވާ މަޝްރޫއުތަކަށާއި ދުވަހުން ދުވަހަށް ކުރަންޖެހޭ މަސައްކަތްތަކަށް ބޭނުންވާ އާރކިޓެކްޗަރަލް، ސްޓްރަކްޗަރަލް އަދި އިންޖިނިއަރިން މަސައްކަތްތައް ކުރުމަށް، މި ދާއިރާތަކުން ކޮންސަލްޓެންސީ ދެވޭނެ މީހަކަށް ވާންޖެހޭކަމަށްވެސް މާލޭ ސިޓީ ކައުންސިލުން ބުނެއެވެ.
އެހެންކަމުން މި މަސައްކަތް ކޮށްދޭން ޝައުގުވެރިވާ ފަރާތްތަކަށް އެކަމަށް ކުރިމަތިލުމަށް މިމަހުގެ 22 ވަނަދުވަހުގެ 11:00 ޖެހުމާއި ހަމައަށް ހުޅުވާލާފައިވާކަމަށް މާލޭ ސިޓީ ކައުންސިލުން ބުނެއެވެ. އަދި މިކަމުގެ މައުލޫމާތު ހޯދުމަށް ބޭނުންވާ ފަރާތްތަކަށް މިމަހުގެ 20 ވަނަދުވަހުގެ ކުރިން މެއިލް ކުރުމުގެ ފުރުސަތު ހުޅުވާލާފައިވާކަމަށްވެސް މާލޭ ސިޓީ ކައުންސިލުން ބުނެއެވެ.
