އެޗްޕީއޭ އިން ހާމަކުރި ތަފާސް ހިސާބުތަކުން ދައްކާ ގޮތުގައި ޖުލައިމަހާއި ޖޫންމަހުވެސް އެންމެ ގިނައިން ރިޕޯޓްކޮށްފައިވަނީ އަރިދަފުސް ރޯގާޖެހިގެން ރިޕޯޓްްކުރި މީހުންނެވެ. ނަމަވެސް މި އަދަދު ޖުލައިމަހާއި އަޅާބަލާއިރު ޖޫންމަހު އަރިދަފުސް ރޯގާ ޖެހިގެން ރިޕޯޓްކުރި މީހުންގެ އަދަދު މަަދެވެ.
މި އަހަރުގެ ޖޫން މަހު އަރިދަފުސް ރޯގާ ޖެހިގެން ރިޕޯޓުކޮށްފައި ވަނީ، 32،738 މީހުންނެވެ. ޖުލައި މަހު 30،293 މީހުނަށް ބަލި ޖެހިގެން ރިޕޯޓުކުރި ކަމަށް ތަފާސްހިސާބުތަކުން ދައްކަ އެވެ.
ތަފާސްހިސާބުތަކުން ދައްކާ ގޮތުގައި ދެވަނަޔައް އެންމެ ގުނައިން ރިޕޯޓް ކޮށްފައި ވަނީ، ބޭރަށް ހިންގުން ޖެހިގެން ރިޕޯޓުކުރި މީހުންނެވެ. ބޭރަށް ހިންގުން ޖެހިގެން ރިޕޯޓުކުރި މީހުންގެ އަދަދު ޖުލައި މަހު ވަނީ ދަށްވެފަ އެވެ. ޖޫން މަހު ވަނީ 5،179 މީހަކު ރިޕޯޓުކޮށްފައިވެ އެވެ. ޖުލައި މަހު ރިޕޯޓުކޮށްފައި ވަނީ 5،053 މީހުންނެވެ.
ދެން އެންމެ ގިނައިން ރިޕޯޓް ކޮށްފައި ވަނީ، ޑެންގީ ހުން ޖެހިގެން ރިޕޯޓްކުރި މީހުންނެވެ. ޖުލައި މަހު ޑެންގީ ހުން ޖެހިގެން ރިޕޯޓު ކުރެވުނު އަދަދު ވަނީ މަދުވެފަ އެވެ. ޖޫން މަހު ވަނީ 798 މީހަކަށް ބަލި ޖެހިގެން ރިޕޯޓުކޮށްފަ އެވެ. އަދި ޖުލައި މަހު ރިޕޯޓުކޮށްފައި ވަނީ 556 މީހެކެވެ.
އެޗްޕީއޭއިން ވަނީ ކެއްސާ، ކިނބިހި އަޅާއިރު އަނގަޔާ ނޭފަތް ޓިޝޫއަކުން ނިވާކުރުމަށް އިލްތިމާސްކޮށްފަ އެވެ. ނިވާކުރުމަށް ޓިޝޫއެއް ނެތްނަމަ، މުލައްދަނޑިން އަނގަޔާ ނޭފަތް ނިވާވާގޮތަށް ހުރަސް ކުރުމަށާއި ބޭނުންކުރާ ޓިޝޫ ކުނި ވަށިގަނޑަށް އެއްލައިލުމަށް ވެސް ވަނީ އިލްތިމާސްކޮށްފަ އެވެ.
