އޭނާ މިހެން ވިދާޅުވީ ރައްޔިތުން މަޖިލީހުގެ އިޖިތިމާއި ކޮމެޓީގައި އެ ކޮމެޓީގެ މެމްބަރަކު ކުރެއްވި ސުވާލަކަށް ޖަވާބު ދެއްވަމުންނެވެ.
ޒީނިޔާ ވިދާޅުވީ އަމިއްލަ ހޮސްޕިޓަލްތަކާއި ކުލިނިކްތަކުން ހިދުމަތްތަކަށް ހިތު ހުރި އަގެއް ބިލުކުރުމުގެ ޝަކުވާތައް ލިބެމުން އަންނަކަމަށެވެ. އެގޮތުން އެކަން ބޮޑުވުން ދައުލަތުގެ މާލީ ވަޒީރުވެސް ހިއްސާކުރެއްވިކަން ޒީނިޔާ ފާހަގަކުރެއްވިއެވެ. ޒީނިޔާ ވިދާޅުވީ އަމިއްލަ ހޮސްޕިޓަލްތަކާއި ކްލިނިކްތަކުން ފަަހުގެ ބިލް އަންނައިރު ބޮޑުވާތީ އެކަން ހައްލުކުރުމަށް މާލީ ވަޒީރުގެ ޝަފީގުގެ ލަފާފުޅާއި އެކު މަސައްކަތް ކުރަމުން އަންނަކަމަށެވެ.
ޒީނިޔާ ވިދާޅުވީ ސަރުކާރު ހޮސްޕިޓަލްތައް ދޫކޮށް މީހުން އަމިއްލަ ހޮސްޕިޓަލްތަކަށް ދަނީ ކިއު ދިގުވެ ހިދުމަތް ލިބުން ލަސްވާތީކަމަށެވެ. އެހެންކަމުން އަމިއްލަ ހޮސްޕިޓަލްތަކުގެ އަގުތައް ކަނޑައެޅުމަށް ޕެކޭޖްތަކެއް ހަދަމުން އަންނަކަމަށްވެސް އޭނާ ވިދާޅުވިއެވެ. އޭރުން އެއްބަސްވާ އަގަކަށް ނޫނީ އެ ހިދުމަތް ނުދެވޭނެކަަން ޒީނިޔާ ފާހަގަކުރެއްވިއެވެ.
މީގެއިތުރުން ރާއްޖެއިން ބޭރުން އާސަންދަ ދޭ ތަންތަނުގެ އަގުތައް ބޮޑުކަމުން އެ އަގުތައް ހެޔޮކުރުމަށް އެ ހޮސްޕިޓަލްތަކާއި ވާހަކަ ދައްކަމުން ދާކަމަށްވެސް ޒީނިޔާ ވިދާޅުވިއެވެ.
ރައްޔިތުން މަޖިލީހުގެ އިޖިތިމާއީ ކޮމެޓީގެ މެމްބަރުން
މި އަހަރުގެ ފުރަތަމަ ހަ މަސްދުވަހު 1.6 ބިލިއަން ރުފިޔާ އާސަންދައިން ހޭދަކޮށްފައިވާކަމަށް އެ ކުންފުނިން ވަނީ ބުނެފައެވެ. .އާސަންދައިން ތަފާސް ހިސާބުތައް ދައްކާގޮތުން މިއަހަރުގެ ދެވަނަ ކުއާޓާގައި 823 މިލިއަން ރުފިޔާ ވަނީ ހަރަދުކޮށްފައެވެ. ފުރަތަމަ ކުޢާޓާގައި މިއަދަދު ހުރީ 838 މިލިއަންގައެވެ.
އާސަންދައިން ބުނީ އަހަރުގެ ދެވަނަ ކުއާޓާއި އެ ސްކީމުން 265،059 މީހުން ހިދުމަތް ހޯދާފައިވާކަމަށެވެ. އަދި ދެވަނަ ކުޢާޓާގައި އިމެޖެންސީގައި ބަލި މީހުން އުފުލި އަދަދަކީ 1232 ކަމަށެވެ. ދެވަނަ ކުއާޓާގައި އާސަންދަ ސްކީމްގެ ދަށުން ރާއްޖެއިން ބޭރު ބޭސް ފަރުވާކުރި މީހުންގެ އަދަދު 2807 އަރާކަމަށެވެ.
