ފެނަކައިން ދާދީ ފަހުން ބުނެފައިވަނީ ރާއްޖޭގެ 144 ރަށެއްގައި މަގުބައްތިތައް ހުރީ ރައްކާތެރިކަމުގެ މިންގަނޑާއި ހިލާފަށްކަމަށެވެ.
ޔޫޓިލިޓީ ރެގުއުލޭޓަރީ އޮތޯރިޓީން މަގުބައްތިތައް އިސްލާހުކުރުމަށް ދިން މުއްދަތު އަންނަ އަހަރުގެ ފެބްރުވަރީ 25 ވަނަ ދުވަހާއި ހަމައަށް އިތުރުކޮށްފައިވާކަމަށް ފެނަކަ ކޯޕޮރޭޝަނުން މިއަދު ވަނީ ބުނެފައެވެ. މީ މުއްދަތު އިތުރުކުރިން 3 ވަނަ ފަހަރެވެ.
ފެނަކައިން މިއަދު ނެރުނު ބަޔާނެެއްގައި ބުނީ އިން ވިދާޅުވީ، މަގުބައްތިތައް އިސްލާހު ކުރުމަށް ދިން މުއްދަތު އިތުރުކުރީ، ކައުންސިލްތަކަށް މިހާރު ދީފައިވާ މުއްދަތުގައި އެކަން ކުރުމަށް ގިނަ ގޮންޖެހުންތަކެއް ހުރިކަން ފާހަގަވުމުން ރައީސުލްޖުމްހޫރިއްޔާގެ އޮފީހުގެ ލަފާގެމަތިން، ޔޫއާރުއޭ އިން ކުރިން ދީފައިވާ މުއްދަތު އިތުރު ކުރުމާއި ގުޅިގެން ކަމަށެވެ.
ރަށްރަށުގެ މަގުތަކުގައި ހުރި މަގުބައްތި ރަނގަޅުކުރަން ފެނަކައިން ނިންމާފައިވަނީ މިދިޔަ މޭ މަހު ރ. އުނގޫފާރުގައި މަގުބައްތިތަކުން ކަރަންޓު ލީކުވެ، ކަރަންޓުގައި ޖެހިގެން ޒުވާނަކު މަރުވި ހާދިސާއާ ގުޅިގެންނެވެ.
ރަށްތަކުގައި ހަރުކުރެވިފައި ހުރި މަގުބައްތިތަކަށް ކަރަންޓް ދެވިފައި ހުރީ ރައްކާތެރިކޮށް ނޫންކަމަށް ފެނަކަ ކޯޕަރޭޝަން ލިމިޓެޑުން ވަނީ ބުނެފައެވެ.
