ބެޑްމިންޓަން އެސޯސިއޭޝަންގެ ހިންގުން ކުޅިވަރާ ބެހޭ ގައުމީ މަޖިލީހަށް ހަވާލުކޮށްފިކަން ހާމަ ކުރެއްވީ، ސްޕޯޓްސް ކޮމިޝަނަރު މުހައްމަދު ތޮލާލް މިރޭ ސޯޝަލް މީޑިއާގައެވެ.
"ބެޑްމިންޓަން އެސޯސިއޭޝަން އޮފް މޯލްޑިވްސް ގެ ހިންގުން ވަގުތީ ގޮތުން އެ އެސޯސިއޭޝަންގެ މުއައްސިސް (ކުޅިވަރާބެހޭ ޤައުމީ މަޖިލިސް) އާއި ޙަވާލު ކުރުމަށް ނިންމާ، އެކަން އެ އެސޯސިއޭޝަނަށް މިއަދު ވާނީ އަންގާފަ. އަދި އެސޯސިއޭޝަންގެ އައު ހިންގާ ކޮމިޓީ އިންތިޚާބު ކުރުމަށްޓަކައި ކުރަންޖެހޭ މަސައްކަތްތައް ކުޅިވަރާބެހޭ ޤައުމީ މަޖިލީހުގެ މަޝްވަރާއާއެކު ވަނީ ފެށިފައި،" ތޮލާލް ވިދާޅުވިއެވެ.
ބީއޭއެމްގެ ހިންގާ ކޮމިޓީގެ މުއްދަތު ހަމަވެފައި އޮންނަތާ ފަސް މަސް ހަމަވާއިރު، އަދިވެސް އެ ކަމަށް ޖުމްލަ ހައްލެއް ލިބިފައިނުވާތީ ގިނަ ބަޔަކު ވަނީ ކަންބޮޑުވުން ފާޅުކޮށްފަ އެވެ. އެ އެސޯސިއޭޝަންގެ ސީރިއަސް މައްސަލަތަކެއް އޭސީސީން ބަލަމުން އަންނައިރު، އޭގެ ބައެއް މައްސަލަތައް ޝަރީއަތާ ހަމައަށްވަނީ ގޮއްސައެވެ.
