ދާހިލީ ވަޒީރު އަލީ އިހްސާން
ބިދޭސީން ގެންގުޅޭ ފަރާތްތަކާއި ވަޒީރު ބައްދަލުކުރަން ބޭނުންވެއްޖެ
މުހައްމަދު އާދަމް އަހްމަދު
17 އޯގަސްޓް 2024 - 21:39:30
ބިދޭސީން އެތެރެކުރާ ފަރާތްތަކާއި ބިދޭސީ މަސައްކަތްތެރިން ގެންގުޅޭ ފަރާތްތަކާއި ދާހިލީ ވަޒީރު އަލި އިހްސާން ބައްދަލުކުރަން ނިންމަވައިފިއެވެ.
Advertisement
ދާހިލީ ވުޒާރާއިން މިރޭ ނެރުނު އިއުލާނެއްގައި ބުނީ ބިދޭސީ މަސައްކަތްތެރިން ގެންގުޅޭ ފަރާތްތަކާއި ބިދޭސީ މަސައްކަތްތެރިންގެ ހުއްދަތައް ދޫކުރުމަށް އޮންނަ "އެކްސްޕަޓް ސިސްޓަމް" ބޭނުންކުރާ އެހެނިން ފަރާތްތަތަކާއި ވަޒީރު ބައްދަލުކުރަން ބޭނުންވާކަމަށެވެ. މި ބައްދަލުވުން އޮންނާނީ މިމަހުގެ 20 ވާ އަންގާރަ ދުވަހުކަމަށް ވުޒާރާއިން ބުނެއެވެ.
އެހެންކަމުން މި ބައްދަލުވުމުގައި ބައިވެރިވާން ބޭނުންވާ ފަރާތްތަކުން އޮންލައިން ފޯމް މެދުވެރިކޮށް ނަންނޯޓް ކުރުމަށް ވުޒާރާއިން ވަނީ އެދިފައެވެ. އަދި ނަން މި ފޯމު އަންނަ ހޯމަދުވަހުގެ 12:00 ކުރިން ފުރާ ފޮނުވުމަށްވެސް ދާހިލީ ވުޒާރާއިން ވަނީ އެދިފައިއެވެ.
ބައްދަލުކުރުން އޮންނާނެ ތަނާއި ވަގުތު ބައިވެރިވާ ފަރާތްތަކަށް ވަކިން އަންގާނެކަމަށްވެސް ދާހިލީ ވުޒާރާއިން ބުނެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
