ލޯކަލް ގަވަމަންޓް މިނިސްޓްރީގެ އެދުމުގެ މަތިން މިއަދު ލާމަރުކަޒީ ކޮމިޓީގައި އެ ފަރާތުން ވަނީ މުހިއްމު މައުލުމާތު ހިއްސާކުރައްވާފަ އެވެ.
އެގޮތުން އުނގޫފާރު ދާއިރާގެ މެމްބަރު އިބަރާހީމް ޝިފާޒް ވަނީ ލާމަރުކާޒީ ނިޒާމު މިހާރު އޮތީ ރައްޔިތުން އެންމެ ފައިދާ ވާގޮތަކަށް ނޫންކަމަށް ވިދާޅުވެ މިހާރު ލާމަރުކަޒީ ނިޒާމްގެ ގާނޫނު އޮތީ ލެބޯޓަރީގައި ޓެސްޓުކުރަން ގެންގުޅޭ ގާނޫނަކަށް ވެފައިކަމަށް ވިދާޅުވެފަ އެވެ. އަދި އެ ނިޒާމްގެ ގާނޫނާށް ބަދަލު އަންނަލެއް ގިނަ ކަމުން ރައްޔިތުނަގެ ކަންބޮޑުވުން އިނަތިހާއަށް ހުރި ކަމަށް ފާހަގަކޮށް ޝިފާޒް ވަނީ އެކަން ހައްލުކުރަން ސަރުކާރުން ދެމި ތިބޭނެ ކަމުގައި އުއްމީދުކުރައްވާކަމަށް ވިދާޅުވެފަ އެވެ.
އެ މިސާލަށް އެއްބަސްވެވަޑައިގަަންނަވާ މިނިސްޓަރު އާދަމް ޝަރީފް ވަނީ އެމައްސަލައާ ގުޅެގޮތުން ހިޔާލުފާޅުކުރައްވާ ވާހަކަދައްކަވާފަ އެވެ.
ކޮންމެ ޕާޓިއަކުން ވެރިކަަމަށް އައިސް އެގެންނަ ބަދަލުތައް ގެނައުމުން ރައްޔިތުންނަށް ފަސޭހަވެގެން ނުދިޔަކަަމަށާއި ވެރިކަމަށް އައުމަށް ނަންބަރު ބަދަލުކުރިޔަސް އޭގެ ސަބަބުން ރައްޔިތުންނަށް ލިބެނީ މާރަނގަޅު ތަސައްވަރެއް ނޫން ކަަމަށް އާދަމް ޝަރީފް ވިދާޅުވި އެވެ. އަދި ރާއްޖޭގެ ރައްޔިތުންނަކީ އޭޝިއާގައިވެސް ތައުލީމީ އަދި އެންމެ ހޭލުންތެރިކަން ބޮޑު އެއް ގައުމު ކަމަށް ފާހަގަކޮށް މިނިސްޓަރު ވިދާޅުވީ ނިޒާމަށް ގެންނަ ބަދަލުތަކަކީ އިހުލާސްތެރިކަމާއެކު ގެންނަނަ ޖެހޭ ބަދަލުތަކައްކަށް ވާން ޖެހޭނެ ކަން ގަބޫލުފުޅުކުރައްވާކަމަށެވެ.
އަވަސް އަރުވާލުމުގެ ބަދަލުގައި ލާމަރުކަޒީ ނިޒާމަށް ހެޔޮ ބަދަލުގެންނަން މަސައްކަތް ކޮށްދެއްވުމަކި ވަަރށް ބޮޑަށް އެދޭކަމެއްކަން ފާހަގަކޮށް އާދަމް ޝަރީފް ވިދާޅުވީ ހަމަ އެކަނި ލާމަރުކަޒީ ކޮމިޓީއަށް ބަލާލިނަމަވެސް ނިޒާމްގައި ހުރި މައްސަލަތައް ވަރަށް ރަނގަލަށް ކިޔާ ދެއްވޭނެ ބޭފުޅުން ކޮމިޓީގައިވެސް ތިއްބެވި ކަމަށެވެ.
މި ނިޒާމަށް ގެންނަން ޖެހޭ ހެޔޮ ބަދަކު ގެނައުމަށްޓަކައި ވަކި ފަރާތަކަށް ނިވަތަ ވަކި ޕާޓީއަކަށް ނިސްބަތް ނުކޮށް، ރައްޔިތުންގެ ވާހަކަތައް ގެނެވޭނެކަމަށް މިނިސްތަރު ވިދާޅުވި އެވެ. އަދި މީގެ "ބޮޓަމް ލައިން" އަކަަށަ ވާންޖެހޭނީ ލާމަރުކަޒީ ނިޒާމުން ރައްޔިތުނަަށް ދޭ ހިދުމަތްތައް ރަަނގަޅުވެ، ފައި އަވަސްވެފައި، ހަރަދުކުޑަކޮށް އެކަން ކުރެވޭނެ ގޮތަކަށް ވުން ކަމަށް މިނިސްޓަރު ވިދާޅުވި އެވެ.
އޭގެއިތުރުން ހިދުމަތްތައް ދެވިގެން ދާއިރު ނިޒާމަކީ ޔުނިޓަރީ ދައުލަތެއްގެ ގޮތުގައި އޮއްގޮތަށް އޮތްއެއްޗެއްކަން ކަށަވަރުކުރެވި، ދައުލަތުން ކުރަން ބޭނުންވާ ކަންތައްވެސް ކައުންސިލުން ކުރެވޭނެ ގޮތަކަށް ކަންކަން ފަހިވެނެެގެން ދިއުން މުހިއްމުކަަމަށް މިނިސްޓަރު ވިދާޅުވި އެވެ.
އެއްވެސް ހާލެއްގައި ރައްޔިތުންނަށްޓަކައި ކުރެވޭ މަސައްކަތަކީ އެއީ ކައުންސިލްތަކަށް ނޭންގި ކުރެވޭ މަސައްކަތަކަށް ވުމަކީ ނިޒާމްގެ ބިރައްޓެހިކަމެއްކަން ދެކިވަޑައިގަންނަވާކަމަށް އާދަމް ޝަރީފް ވިދާޅުވި އެވެ.
މުޅި ނިޒާމަށް ގެނެވޭ ބަދަލުގެ ސަބަބުން ރައްޔިތުންނަށް ރަނގަޅު ހިދުމަތައް ލިބޭ ގޮތަކަށް އެ މަސައްކަތް ބާރަށް ކުރިއަށް ގެންދާނެކަމުގެ ޔަގީންކަން މިނިސްޓަރުު ދެއްވި އެވެ.
