މި އޮގަސްޓު މަހަށް އާސަހަރާގެ ހުރިހާ މަސައްކަތް ނިންމައި އެތަން ބޭނުންކުރަން ފެށޭނެކަމަށް މާލޭގެ މޭޔަރު އާދަމް އާޒިމް ވިދާޅުވެފައެވެ. އެހެންނަމަވެސް މިސްކކިތުގެ މަސައްކަތް އަދިވެސް އެއްކޮށް ނިމިފައެއްނުވެއެވެ.
މިހާރު މިސްކިތުގައި ކުރިޔަށްދަނީ ދޮރުތައް ހަރުކުރުމާއި ކަރަންޓްގެ މަސައްކަތްތަކެވެ.
ސިޓީ ކައުންސިލުން ބުނީ އާސަހަރާ މިސްކިތުގެ މަސައްކަތް ނިމޭއިރު 3،200 އަކަފޫޓު މިސްކިތަށް އިތުރު ވާނެކަމަަށެވެ. އަދި ނުކުޅެދުންތެރިކަން ހުންނަ ފަރާތްތަކަށް ހާއްސަ ފާހަނާއަކާއި، އަންހެން ބޭފުޅުންނަށް ހާއްސަ ފާހާނައަކާއި ނަމާދު ކުރާ ބައެއް ހުންނާނެކަމަށްވެސް ސިޓީ ކައުންސިލުން ބުނެއެވެ.
މީގެއިތުރުން ޖަނާޒާތަކަށް ދާ މީހުން މަޑުކޮށްލެވޭނެ، ހާއްސަ ސަރަހައްދެއް ތަރައްގީ ކުރާނެކަމަށްވެސް ކައުންސިލުން ބުނެއެވެ.
އާސަހަރާގެ މަސައްކަތް ކުރިޔަށްދާ ގޮތް މޭޔަރު އާޒިމް ބައްލަވާލައްވަނީ
މަސައްކަތް ލަސްވީ ކުރެހުންތަކަށް ގެންނަން ޖެހުނު ބައެއް ބަދަލުތަކާއި ކޮންޓްރެކްޓަރުންނާ ވިދިގެން ޖެހުނު ބައެއް މައްސަލަތަކުގެ ސަބަބުން ކަމަށް މޭޔަރު އާޒިމް ކުރިން ވަނީ ވިދާޅުވެފައެވެ.
މާލޭގެ އާ ސަހަރާގެ ފުލް ފިނިޝިންގެ މަަސައްކަތްކޮށް ނިންމަން ކުންފުންޏަކާ ހަވާލުކުރީ މިދިޔަ މޭމަހުއެވެ.
އެ މަސައްކަތް ހަވާލުކުރީ ހައިމަން ކޮންސްޓްރަކްޝަން ޕްރައިވެޓް ލިމިޓެޑާއެވެ.
މަސައްކަތް އެ ކުންފުންޏާއި ހަވާލުކުރީ 2،70،3793.18 އަށެވެ. 60 ދުވަހުގެ ތެރޭގައި އެ މަސައްކަތް ނިންމަން ޖެހެ އެވެ.
އާސަހަރާ ނިންމުމުގެ މަސައްކަތް ކުރިޔަށްދަނީ
އެ މަސައްކަތް ފުރަތަމަ ހަވާލުކުރި ކުންފުންޏަށް، މިދިޔަ އަހަރުގެ ސެޕްޓެމްބަރު މަހުގެ ނިޔަލަށް ދިން މުއްދަތަށް މަސައްކަތް ނުނިންމުމުން، އެެހެން ކުންފުންޏަކަށް މަސައްކަތް ހަވާލުކުރަން ބިޑު މަރުހަލާ ފެށީ ނިމިިދިޔަ އަހަރުގެ ނޮވެމްބަރު މަހުގެ ތެރޭގައެވެ.
އާ ސަހަރާ މަރާމާތުކުރުމުގެ މަޝްރޫއުގެ ދަށުން މިހާރު އެތަނުގައި ހުރި ބާ އިމާރާތް ތަޅާލައި މިސްކިތުގެ ޖާގަ ބޮޑުކޮށް، ލައުންޖަކާއި ހިނަވާގެއެއް ހެދުމުގެ މަސައްކަތް ދަނީ ކުރަމުންނެވެ.
އެ މަސައްކަތް ކުރިއަށް ދާތީ މިހާރު މާލޭގައި މަރުވާ މީހުންގެ ޖަނާޒާ ބާއްވަނީ ހުޅުމާލެގަ އެވެ.
