ހިޔާ ފްލެޓްތަކުގައި ލިފްޓު ހަރުކުރުމުގެ މަސައްކަތް ކުރަނީ
އާ ލިފްޓްތައް ބޭނުންކުރެވޭނީ އަންނަ އަހަރު، 13 ފްލެޓްގައި މަސައްކަތް ހިނގާ: އެޗްޑީސީ
މުހައްމަދު އާދަމް އަހްމަދު
28 އޯގަސްޓް 2024 - 12:44:37
ހިޔާ ޓަވަރުތަކުގައި އިތުރު ލިފްޓު ހަރުކުރުމުގެ މަސައްކަތް ނިންމާ ލިފްޓްތައް އަންނަ އަހަރު ބޭނުންކުރަން ފެށޭނެކަަމަށް ހައުސިން ޑިވަލޮޕްމެންޓް ކޯޕަރޭޝަން (އެޗްޑީސީ)ން މިއަދު ބުނެފިއެވެ.
Advertisement
ހިޔާ ޓަވަރުތަކުގައި އިތުރު ލިފްޓު ހަރުކޮށްދިނުމަށް ރައީސް ޑރ. މުއިއްޒުގެ ރިޔާސީ ވައުދެކެވެ. އެގޮތުން ހިޔާގެ ކޮންމެ ޓަވަރެއްގައި އިތުރު ދެ ލިފްޓު ބެހެއްޓުމުގެ އަމަލީ މަސައްކަތް ފެށީ މިދިޔަ އޭޕްރީލް މަހުގެ ތެރޭގައެވެ.
އެޗްޑީސީން މިއަދު އާއްމުކުރި ވީޑިއޯކޮޅެއްގައި ބުނީ ހިޔާގެ 16 ތަވަރުގެ ތެރެއިން ލިފްޓް ހަރުކުރުމުގެ މަސައްކަތް 13 ޓަވަރުގައި މިހާރުކުރަމުން އަންނަކަމަށެވެ. އަދި ބާކީ ހުރި ތިން ތަވަރުގެ މަސައްކަތް ކުރިޔަށް އޮތް ދެ ހަފްތާގެ ތެރޭގައި ފަށާނެކަަމަށްވެސް އެޗްޑީސީން ބުނެއެވެ.
"މި ލިފްޓުތަތަކީ ޖާގަ ތަނަވަސް ލިފްޓުތަކެއް. 15 މީހުންގެ ޖާގައިގެ މި ލިފްޓުތަކުގައި ބަލި މީހުންގެ ސްޓްރެޗާ އެރުވޭނެ ޖާގަ ހުންނާނެ،. އަދި މި ލިފްޓްތަކުގެ ޕްލޯ ނަމްބަރު ވާނީ ބްރެއިލިން އެންގްރޭވްކުރެވިފައި. އެހެންކަމުން ލޮލަޑށް ފެނުން މަހުްރޫމްވެފައިވާ ފަރާތަތަކަށް އެހެން ފަރާތެެއްގެ އެހީތެރިކަމާއި ނުލާ މި ލިފްޓްތައް ބޭނުންކުރުމުގެ ފުރުސަތު ފަހިވެގެންދާނެ." އެޗްޑީސީން އާއްމުކުރި ވީޑިއޯގައި ވެއެވެ.
ހިޔާ ފުލެޓުތަކަށް އިތުރު ލިފްޓު ހަރުކުރަން ހަވާލުކުރީ ޗަައިނާގެ ޝަންޔަންގް ޔުއާންޑާ އިންޓެލެކްޗުއަލް ގުރޫޕާއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
