އެމްއެމްސީން މިއަދު ވަނީ މި އަހަރުގެ މިހާތަނަށް އެ ކައުންސިލަށް މީޑިއާތަކާއި ގުޅިގެން ހުށައަޅާފައިވާ ޝަކުވާތަކުގެ ތަފާސް ހިސާބު މިއަދު ވަނީ އާއްމުކޮށްފައެވެ.
މި ހިސާބުތައް ދައްކާގޮތުން މީޑިއާތަކާއި ގުޅޭ 79 ޝަކުވާއެއް ވަނީ އެ ކައުންސިލަށް ހުށައަޅާފައެވެ. މީގެތެރެއިން 74 ޝަކުވާ ހުށައަޅާފައިވަނީ ރައީސް އޮފީހުންކަމަށާއި އެއީ ހުށައެޅި މައްސަލަތަކުގެ 94 އިންސައްތަކަމަށް އެމްއެމްސީއިން ބުނެއެވެ.
ބަކީ އިން ހަ އިންސައްތަ ޝަކުވާ ހުށައަޅާފައިވަނީ އެހެނިހެން ފަރާތްތަކުންކަމަށާއި އެއީ ފަސް މައްސަލަކަމަށް އެމްއެމްސީގެ ހިސާބުތަކުން ދައްކައެވެ. އެމްއެމްސީގެ ހިސާބުތައް ދައްކާގޮތުން އެންމެ ގިނަ ޝަކުވާ ހުށައަޅާފައިވަނީ ދިޔަވަރު އޮންލައިނާ ގުޅޭ ގޮތުންނެވެ. އެ ނޫހާއި ގުޅޭ 59 ޝަކުވާއެއް ވަނީ ހުށައަޅާފައެވެ.
އެމްއެމްސީން އާއްމުކުރި ހިސާބުތައް
އެމްއެމްސީން ބުނީ ހުށައެޅި ޝަކުވާތަކުން 30 ޝަކުވާއެއް ބަލާ ނިންމާފައިވާކަމަށެވެ. މީގެ ތެރެއިން ނޫހާ އެއްކޮޅަށް ނިމިފައިވަނީ ނުވަ މައްސަލަކަމަށާއި އަނެއް 20 މައްސަލަ ނިންމާފައި ވަނީ ނޫހާ ދެކޮޅަށްކަމަށްވެސް އެމްއެމްސީން ބުނެއެވެ.
