މިއަދު ސްޓެލްކޯގެ މައި އިމާރާތުގައި ކުރިއަށް ދިޔަ ނޫސްވެރިންގެ ބައްދަލުވުމުގައި ސްޓެލްކޯގެ އެމްޑީ ފަހުމީ ވިދާޅުވީ ސްޓެލްކޯގެ އަމާޒަކީ ކުރިއަށް އޮތް 3 އަހަރު ދުވަސް ތެރޭގައި ހުރިހާ ކަސްޓަމަރުންނަށް ސްމާޓް މީޓާ ހިދުމަތްދީ ނިންމުންކަމަށްވާއިރު ކުރިއަށް އޮތް ހަފްތާގެ ތެރޭގައި ނުވަތަ މި ފެށޭ ސެޕްޓެމްބަރު މަސްތެރޭގައި އެ މަސައްކަތް ފެށިގެންދާނެކަމަށް ފަހުމީ ވިދާޅުވި އެވެ.
ސްމާުޓް ގިލްޑް އެކްސްޕޭންޑް ވެގެން ދާނެ ގޮތާމެދު، ސްޓެލްކޯގެ ހުރިހާ އިންޖީނުތަކެއް، އެސްކާޑާ ސިސްޓަމް މެދުވެރިކޮށް، ކޮމްޕިއުޓާ މެދުވެރިކޮށް، އަދި ޑިސްޓްރިބިއުޝަން ސިސްޓަމް އާއެކު މިހާރު ވަނީ ސްމާޓް ގިލްޑަކަށް ބަދަލްވެ އެސްކާޑާާ ސިސްޓަމް މެދުވެރިކޮށް ހުރިހާ ޓްރާންސްފޯމާތަކެއްވެސް އޮފީހުގައި ތިބެގެން ސްވިޗް އޮން އޮފްކޮށް ހެދޭނެގޮތަށް ގާއިމްކޯށްފައިކަމަށް ފަހުމީ ވިދާޅުވި އެވެ.
ސްމާޓް މީޓާ އިންސްޓޯލް ކުރުން ލަސްވެގެން ދިޔައީ ސްމާޓް ގިލްޑްގެ މަސައްކަތް ނިމެންދެން މަޑުކޮށްލަން ޖެހުނީމަ ކަމަށާއި ޖުމްލަކޮށް ހައްލު ލިބެނީ ސަމާޓް ގިލްޑް އާއި، ސްމާޓް މީޓާ އެއްކޮށް އައުމުން ކަމަށް ފަހުމީ ވިދާޅުވިއެވެ. އަދި އޭގެ ތެރެއަށް އިންފޯޕްލޭޓް ކުރަން ބޭނުން އީވީ ކާޗާގެ ސިސްޓަމަކާއި މޮޓޯ ސައިކްތަކަށް ބެޓްރީ ޗާޖް ކުރެވޭނެ މެކޭނިޒަމްގެ މަސައްކަތްވެސް މިހާރ ކުރިއަށް ގެންދާކަމަށް މިއަދުގެ ނޫސްވެރިންގެ ބައްދަލުވުމުގައި އެމްޑީ ވިދާޅުވިއެވެ.
މީގެ އިތުރުން މިދިޔަ މަހާ އަޅާ ބަލާއިރު އެންމެ ފަހުން ލިބޭ ބިލު ގާތްގަނޑަކަށް 80 ވަރަކަށް އިންސައްތައިން ބިލް ކުޑަ ކަމަށް ފަހުމީ ވިދާޅުވި އެވެ.
ސްމާޓް މީޓާއަށް ދިޔުމުން ރިއަލް ޓައިމްގައި މޮަބައިލް އެޕުން ގޭގެ ސޯފާގައި އިނދެގެން މީޓާރަށް އަރާ އަދަދު ފެނިގެންދާނެކަމަށް ފާހަގަކޯށް ފަހުމި ވިދާޅުވީ މިހާރު އޮތީ ސްމާޓް ގިލްޑް ސިސްޓަމްގެ ބެކްބޯން ނިމިފައި ކަމަށާއި ބެކް ބޯން ނިމުމަށްފަހު ސްމާޓް މީޓާގެ މަސައްތް ފެށުމުގެ ތައްޔާރީތައް ވަމުން އަންނަ ކަމަށް ފަހުމީ ވިދާޅުވި އެވެ.
