މިދިޔަ އަހަރުގެ ޗެމްޕިއަން، ޓީމު ޑީޖީއޭ އާއެކު އެ ގްރޫޕުގައި ދެން ހިމެނެނީ، ހެލްތު ރެކްރިއޭޝަން ކްލަބާއި މޯލްޑިވްސް ޓޫރިޒަމް ކްލަބް އަދި މާލެ ސިޓީ ކައުންސިލް އެވެ. މިދިޔަ އަހަރުގެ ރަނަރަޕް ކްލަބް 220 ހިމެނެނީ، ޓްރޭޑް ކްލަބް، ކްލަބް އެންޑީއޭ އަދި އެޗްއީއެސް ކްލަބާ އެކު، ގްރޫޕް އެޗްގަ އެވެ.
ކްލަބް މޯލްޑިވްސް އިން މި އަހަރު އަންހެން ޑިވިޝަނަށް ކުރިއަށްގެންދަނީ އެއިޓީން ތާޓީ ފުޓްސަލް ފިއެސްޓާ އެކަންޏެވެ. އެ މުބާރާތުގައި ހަތް ޓީމު ބައިވެރިވެފައިވާއިރު، އެ ހަތް ޓީމު ވަނީ ދެ ގްރޫޕަކަށް ބަހާލައިފަ އެވެ. އެ ގޮތުން، ތިން ޓީމު ހިމެނޭ ގްރޫޕްގައި ކޮންމެ ޓީމެއް ކޮންމެ ޓީމަކާ ދެ ފަހަރު ކުޅޭނެ އެވެ.
ކްލަބް މޯލްޑިވްސް މުބާރާތްތައް ފަށާނީ އާދިއްތަ ދުވަހުގެރޭ ރިސޯޓް ލީގު ޗެމްޕިއަނުން، ޖޯލި ބީން އާއި މިދިޔަ އަހަރުގެ ކްލަބް މޯލްޑިވްސް ކަޕް ޗެމްޕިއަން، ވެމްކޯ އިން ކުޅޭ ކިންގްސް ކަޕް މެޗުންނެވެ.
