އެނގިފައިވާ ގޮތުގައި އަންހެނަކު ބަންދުކޮށްގެން ގެންގުޅެނީ މ. މިރިހިމާ ގޭގައެވެ.
އާންމުވެފައިވާ ވީޑިއޯއިން ފެންނަ ގޮތުގައި އަންހެނެއްގެ ކަރުގައި ވަޅި ޖައްސައި ހިފަހައްޓައިގެން ހުރީ ދިވެހި ފިރިހެނެކެވެ. އެމީހާއަކީ ފުލުހުންނަށް ފިލަންވެގެން އުޅުނު މީހެއް ކަމަށްވެ އެވެ. އެމީހާ ހިފަހައްޓައިގެން ހުރީ ދިވެހި އަންހެނެކެވެ.
އޭގެ އިރުކޮޅެއް ފަހުން، އެ މީހާ ވަނީ ރަހީނުކޮށްފައިވާ އަންހެން މީހާ ގޮވައިގެން ސައިކަލުގައި ނައްޓާލައިފަ އެވެ. އޭނާ ސައިކަލުގައި ދިޔުމާ އެކު، ފުލުހުންތަކެއް ސައިކަލުގެ ފަހަތުން ދުވެފައިދާ މަންޒަރު ފެނެ އެވެ.
ފުލުހުން ބުނީ މާފަންނު ގެއެއްގައި މީހަކު ބަންދުކޮށްފައި ހުރި ކަމަށް ލިބުނު މައުލޫމާތަކާ ގުޅިގެން ފުލުހުން ހަރަކާތްތެރި ވަމުންދާ ކަމަށެވެ.
މިހާރު ފުލުހުން ވަނީ އަންހެން މީހާ ހިފަހައްޓައިގެން ހުރި ފިރިހެން މީހާ ހައްޔަރުކޮށްފަ އެވެ.
ނޫސްވެރިންނަށް މައުލޫމާތު ދެމުން، ފުލުހުން ބުނީ އެ ކަން ބަލަމުން އަންނަ ކަމަށެވެ. އަދި އިތުރު މައުލޫމާތު ހިއްސާކުރާނެ ކަމަށެވެ.
މި ހާދިސާ ހިނގަން މެދުވެރިވީ ސަބަބެއް ސާފެއް ނުވެ އެވެ.
