މައުލޫމާތު ލިބިފައިވާ ގޮތުގައި އޭސީސީ އަދި ފުލުހުންގެ ޓީމެއް، ކުޅިވަރު އެކުވެނީގައި ހުރި، ބެޑްމިންޓަން އެސޯސިއޭޝަން އޮފީސް ރެއިޑްކޮށްފައިވަނީ ބެޑްމިންޓަން އެސޯސިއޭޝަނާ ގުޅޭ ސީރިއަސް ތުހުމަތުތަކަކާ ގުޅިގެންނެވެ.
މި އަހަރު ފެށުނިއްސުރެ، އެކި ފަހަރު މަތިން އޭސީސީން ބެޑްމިންޓަނާ ގުޅޭ މައްސަލަތައް ބަލާފައިވާއިރު، އެ އެސޯސިއޭޝަންގެ ކުރީގެ ރައީސް މޫސާ ނާޝިދުގެ އަމިއްލަ ގެއަށްވެސް އޭސީސީންވަނީ ވަދެފައެވެ. އަދި ބެޑްމިންޓަނާ ގުޅޭ ބައެއް މައްސަލަތައް ޝަރީއަތާ ހަމައަށްވެސް ގޮސްފައިވެއެވެ.
ގައުމީ ބެޑްމިންޓަން ޓީމުގެ ނިބާލް އަހުމަދަށް ޕެރިސް އޮލިމްޕިކްސް ސްކޮލަޝިޕުން ލިބުނު ފައިސާ އަށާއި ގައުމީ ބެޑްމިންޓަން ޓީމުގެ ދެކުނު ކޮރެއާގެ ކޯޗު، ޖަންގް ކީ ޔޫން އަށް ދިން މުސާރައިގެ މައްސަލައެއްވެސް އޭސީސީއަށް ހުށަހެޅިފައިވާ ކަމަށްވަނީ މައުލޫމާތު ލިބިފައެވެ. އަނެއްކޮޅުން ބެޑްމިންޓަން އެސޯސިއޭޝަނުން މިނިސްޓްރީއާ ދެކޮޅަށް ކޯޓަށް މައްސަލައެއްވެސް ހުށަހަޅާފައިވެއެވެ.
