އެލައިޑް މައި އޮފީހުގައި މިއަދު ބޭއްވި ކޮންފަރެންސްގައި މި ޕްރޮމޯޝަނާއި ބެހޭގޮތުން މައުލޫމާތު ދެއްވީ ކުންފުނީގެ ޖެނެރަލް މެނޭޖަރ އިބްރާހިމް ފިރުޝާން އާއި މާކެޓިންގ މެނޭޖަރ އައިޝަތު ސުދާ އެވެ.
ފިރުޝާން ވިދާޅުވީ، ލައިފް ޕްރޮމޯޝަން މި އަހަރުގެ ނިޔަލަށް ކުރިޔަށް ދާނެ ކަމަށެވެ. ފިރުޝާން ވިދާޅުވީ ޕްރޮމޯޝަން ކުރިޔަށްދާ މުއްދަތުގައި އެންމެ ފުރަތަމަ ނަގާ 50 ލައިފް އިންޝުއަރަންސް ޕްލޭން ގުނާނީ އިންޑިވިޖުއަލް ޓާމްގެ އިންޝުއަރަންސް ޕްލޭން ނުހިމަނާ ކަމަށެވެ.
މި ޕޮރޮމޯޝަނުގެ ދަށުން އެލައިޑް ލައިފް އިންޝުއަރެންސްގެ ޕްލޭނެއް ބައްލަވައިގަންނަވާ ފުރަތަމަ 50 ކަސްޓަމަރުންގެ ފުރަތަމަ މަހުގެ ޕްރިމިއަމްއިން 50 ޕަސެންޓް ޑިސްކައުންޓް ލިބޭނެ އެވެ.
ލައިފް އިންޝުއަރަންސް ޕްލޭންސް މެދުވެރިކޮށް މާލީ ރައްކާތެރިކަން ހޯދާ ސްމާޓް ސޭވިންގ ޗޮއިސަސްއަށް ހޭލުންތެރިކަން އުފައްދާ، މުޖުތަމައުގެ ވަކިވަކި ފަރުދުން ބާރުވެރިކުރުވުމުގެ މަގުސަދުގައި ފަށާފައިވާ އެ ޕްރޮމޯޝަންގެ ތެރެއިން ތަފާތު ހަރަކާތްތައް ކުރިއަށް ގެންދިއުމަށް އެލައިޑުން ވަނީ ނިންމާފަ އެވެ. އެގޮތުން، ކޮންމެ އަހަރަކުވވެސް ގިނަ ބައެއްގެ ތަރުހީބާއެކު ކުރިއަށްގެންދާ ފޯރިގަދަ އާއިލީ ހަވީރު؛ "އެލައިޑް ފެސްޓް" މިއަހަރު ވެސް ކުރިއަށްދާނެ ކަމުގައި އެލައިޑުން މައުލޫމާތު ދެއެވެ.
13 ސެޕްޓެމްބަރުގައި ހުޅުމާލެ، ސެންޓްރަލް ޕާކްގައި ބާއްވާ އެ ހަވީރުގެ އިތުރުން، އެކި ވުޒާރާތަކާއި އޮފީސްތަކަށް ހާއްސަކޮށްގެން މައުލޫމާތު ސެޝަންތައް ކުރިއަށް ގެންދިއުމަށް ވެސް އެލައިޑުން ވަނީ ރާވާފައެވެ.
މިޕްރޮމޯޝަނާ ބެހޭ އިތުރު މައުލޫމާތު ހޯދުމަށް އެލައިޑުގެ ހިލޭ ގުޅޭ ހޮޓްލައިން 1600 އަށް ގުޅުމަށް އެލައިޑުން އިރުޝާދު ދެއެެވެ. ނުވަތަ އެލައިޑްގެ ވެބްސައިޓްގައިވާ ލައިވް ޗެޓް ހިދުމަތްވެސް ހޯދޭނެ ކަމަށް އެލައިޑުން ބުނެ އެވެ.
