ހުޅުމާލޭ ދެވަނަ ފިޔަވަހީގައި ހިނގި އެކްސިޑެންޓްގައި ކާރު ދުއްވަން އިން އިބްރާހިމް އިކްރާމް ޝަރީއަތް ނިމެންދެން ބަންދުގެ މުއްދަތު ޖަހާފައިވަނިކޮށް ހައިކޯޓުން މިއަދު ވަނީ އެނާ މިނިވަންކޮށްފައެވެ.
ހައިކޯޓުން އޭނށާ މިނިވަންކުރީ އޭނާ ބަންދު ކުރުމުގައި އަމަލު ކުރަން ޖެހޭ އިޖުރާތުއަތަށް ފުރިހަމަކޮށްފައި ނުވާތީކަމަށް ކަނޑައެޅުމަށްފަހުއެވެ.
ހޯމް މިނިސްޓަރު އަލީ އިހްސާން މިރޭ އެކްސްގައި ކުރެއްވި ޕޯސްޓެއްގައި ވަނީ ކޯޓުން ދުކޮށްލި އިބްރާހިމް އިކްރާމް ކޯޓް އަމުރެއް ހޯދާ ހައްޔަރުކުރުމުގެ މަސައްކަތް ކުރަމުން އަންނަކަމަށެވެ. މިނިސްޓަރު ވިދާޅުވީ އިކްރާމް މިނިވަން ވީ ގޮތެއް ބަލާ އިހްމާލުވި މީހަކަށް ފިޔަވަޅު އަޅާނެކަމަށެވެ.
މ. ލޭންޑްއޮފްގާރޑްން އިބްރާހިމް އިކްރާމް ހައިކޯޓުގައި
މިދޔަ މަހުގެ ފަސްވަނަދުވަހު ހިނގި މި އެކްސިޑެންޓްގައި އެކްސިޑެންޓުވުމުން ކާރު ދުއްވަން އިން މީހާއާއި އެ ކާރުގައި ބާކީތިބި ދެމީހުންވެސް ފިލީއެވެ. އެކަމަކު ކާރުގެ ޑްރައިވަރު ހޯދާ ފުލުހުން އޭނާ ފަހުން ހައްޔަރު ކުރި އެވެ. އޭނާއާއި އެކު ކާރުގައި ދެން ތިބި ދެމީހުންވެސް ވަނީ ހައްޔަރުކޮށްފަ އެވެ.
އެ އެކްސިޑެންޓާ ގުޅިގެން ހައްޔަރު ކުރީ ހ. ނޫރަންމާގެއާގެ އިކްރާމްއަބްދުއްރަހުމާން، މ. ލޭންޑްއޮފްގާރޑްން އިބްރާހިމް އިކްރާމް އަދި ކަނޑުހުޅުދޫ، އާޒާދުގެ ޖިނާހް އިސްމާއިލްއެވެ. މީގެ ތެރެއިން ޝަރީއަތް ނިމެންދެން ބަންދުކޮށްފައި ތިބީ އިކްރާމުއްރަހްމާން އަދި އިބްރާހީމް އިކްރާމް އެވެ.
މި އެކްސިޑެންޓް ހިނގީ ހުޅުމާލެ ދެވަނަ ފިޔަވަހި ވިނަރެސް ފްލެޓް ކައިރީގަ އެވެ. މި އެކްސިޑެންޓް ހިނގީ ބާރު ސްޕީޑްގައި ދުއްވި ސްޕޯޓްސް ކާރެއް ކޮންޓްރޯލް ނުވެ ގޮސް އެ ވަގުތު އެ މަގުގެ އެއް ފަރާތުގައި ސައިކަލެއްގައި އިން މީހެއްގެ ގައިގައި ޖެހިގެންނެވެ. އެ ކާރުން ޖެހުމުން، ސައިކަލުގައި އިން މީހާ ވިއްސައިގެންދާ މަންޒަރު ފެންނަ ވީޑިއޯ ސޯޝަލް މީޑިއާގައި އާންމުވެ އާންމުންގެ ބޮޑެތި ކަންބޮޑުވުންތަކެއް ސޯޝަލް މީޑިއާގައި ހިއްސާކޮށްފައިވެ އެވެ.
