ޖެނިފާ ލޯޕެޒް ވަނީ ލޮސް އެންޖެލެސް ސުޕީރިއަރާ ކޯޓުގައި އަމިއްލައަށް ވަރިވުމަށް ހުށަހަޅާފައެވެ.
މީގެ އިތުރުން މި ޕޯސްޓުގައި އޭނާގެ ކުދިންނާއި އާއިލާއާއެކު ނެގި ފޮޓޯތަކެއްވެސް ހިއްސާކޮށްފައިވެއެވެ. ލޯޕެޒްއާއި އެފްލެކް ކައިވެނިކޮށްގެން އުޅުނީ 2 އަހަރު ދުވަހުއެވެ. މިދެމީހުން ކުރިންވެސް ވަނީ 2002 ގައި އެންގޭޖްވެ، ފަހުން ވަކިވެފައެވެ. 2021 ގައި އަލުން ގުޅުން ފެށުމަށްފަހު 2022 ގައި ކައިވެނިކޮށްފައިވެއެވެ.
ޖެނިފާ ލޯޕެޒް މިވަގުތު ހޭންޑްވިލްގައި ދިރިއުޅެމުން އަންނައިރު، ބެން އެފްލެކް ލޮސް އެންޖެލެސް އިން ވަނީ ފެނިފައެވެ. ލޯޕެޒް އޭނާގެ 55 ވަނަ އުފަންދު ވަސް ފާހަގަކުރީ "ބްރިޖަރޓަން" ތީމްގެ ޕާޓީއަކުންނެވެ.
އެދުވަހު އެފްލެކް ފެނުނީ ކައިވެނީގެ ރިންގު ނާޅައި ހުރި ތަނެވެ. މި ދެމީހުންގެ ދެ ވަނަ ކައިވެނީގެ އަހަރީ ދުވަހާ ދިމާކޮށް ލޯޕެޒް ވަރިވުމަށް ހުށަހެޅި ކަމަށް ބެލެވެއެވެ. ލޯޕެޒްގެ ކުރީގެ ފިރިމީހާ މާކް އެންތޯނީއަށް ލިބުނު ދެ ދަރިންނާއި، އެފްލެކްގެ ކުރީގެ އަނބިމީހާ ޖެނިފަ ގާނާއަށް ލިބުނު ތިން ދަރިން އެމީހުންނާއެކު ދިރިއުޅުނެވެ. އެފްލެކްގެ ބޮޑު ދަރިފުޅު ވަޔަލެޓް ވަނީ ޔޭލް ޔުނިވަރސިޓީގައި ކިޔެވުން ފަށާފައެވެ.
