މި ރިސޯޓުގައި ހުރި ފެނުގެ މަތީގައި ބިނާކޮށްފައިވާ ވިލާތަކަކީ ދިވެހިރާއްޖޭގެ ރިސޯޓުތަކުގައި ހުންނަ ވޯޓާ ވިލާތަކާ އެއްފަދަ ތަންތަންކަމަށް އެ ކުންފުނިން ބުނެއެވެ.
މި ރިސޯޓުގައި ހުރި ވޯޓާ ވިލާތަކަކީ މީހުން ދިރިއުޅޭ ގޮތައް އެ ރިސޯޓުގައި ހުރި ހަމައެކަނި ތަންތަނެވެ. މިއިން ކޮންމެ ވިލާއެއްގައި ދެ މީހުންނަށް ތިބެވޭނެއެވެ. އަދި މި ވިލާތަކުން ސީދާ ބޮޑު ފެންގަނޑަކަށް ފޭބެއެވެ. މިއީ ދިވެހިރާއްޖޭގެ ރިސޯޓުތަކުގައި ހުންނަ ވިލާތަކާ ވަރަށް އެއްގޮތް ތަންތަނެވެ.
މި ރިސޯޓުގައި 14 ފެންގަނޑު ހުރެއެވެ. އޭގެ ތެރޭގައި ލޭޒީ ރިވާއަކާއި، ރާޅުއަރާ ފެންވަރަކާއި، 4 އިންޑޯ ފެންވަރު ހިމެނެއެވެ. މީގެ އިތުރުން ވަންޑަލޭންޑް ވޯޓާ ޕާކެއްވެސް ހުރެއެވެ. މި ވޯޓާ ޕާކުގައި 15 ސްލައިޑް ހުރެއެވެ.
ގްރެނާޑާ ލަގްޒަރީ ބެލެކް
މި ރިސޯޓުގައި ކުޑަކުދިންގެ ކްލަބަކާއި، ސިނަމާ ރޫމަކާއި، ޓާކިޝް ސްޕާއަކާއި، ސައުނާއަކާއި، ޓެނިސް ކޯޓާއި، ބޯލިން އަދި ފުޓްބޯޅަ ކުޅެވޭނެ ތަންތަން ހުރެއެވެ.
މި ރިސޯޓުގައި 17 ބާ ހުރެއެވެ. އޭގެ ތެރޭގައި ހެނދުނު 2 އަށް ހުޅުވިފައި ހުންނަ ޑިސްކޯ ބާއެއްވެސް ހިމެނެއެވެ. މީގެ އިތުރުން 5 ބުފޭ ރެސްޓޯރަންޓާއި 4 އަލަ ކާޓް ރެސްޓޯރަންޓް ހުރެއެވެ.
ގްރެނާޑާ ލަގްޒަރީ ބެލެކް
މި ރިސޯޓަށް ދަތުރުކުރުމަށް ޓޮމަސް ކުކް، ޓުއީ، އީޒީޖެޓް ހޮލިޑޭސް އަދި ޖެޓް 2 ހޮލިޑޭސް ފަދަ ކުންފުނިތަކުން ޑީލްތައް ހުށަހަޅާފައިވެއެވެ. ލަވް ހޮލިޑޭސްއިން 7 ރޭ ހުރުމަށް 519 ޕައުންޑުން ފެށިގެން ޑީލްތައް ހުށަހަޅާފައިވެއެވެ. މިއީ ދިވެހިރާއްޖެއަށް ދަތުރުކުރުމަށް ޚަރަދުވާ 3000 އިން 5000 ޕައުންޑާ އަޅާބަލާއިރު ވަރަށް ކުޑަ އަގެކެވެ.
