އުމުރުން 32 އަހަރުގެ އަތުހަރު މަރުވީ ވަޅިން ބިރު ދައްކައި އަންހެނަކު ރަހީނުކުރި މައްސަލައިގައި ދޫނިދޫ ޖަލު ގޮޅީގައި ބަންދުކޮށްފައި ހުއްޓާ ދަންޖެހިފައި ހުރިތަން ފެނިގެން މާލެ ގެނެެސް އައިޖީއެމްއެޗްގައި ފަރުވާދެމުން ދަނިކޮށް ޖެހިގެން އައި ދުވަހުގެ ހަވީރުގެ ވަގުތެއްގައެވެ.
އަތްހަރުގެ ހަށިގަނޑު ޕޯސްމޯޓަމް ހެދުމަށް އިނޑިއާއަށް ގެންދިޔައީ މިއަދުގެ ހެނދުނުގެ ވަގުތެއްގައިކަމަށް އެ އާއިލާއިން ބުނެއެވެ. އަދި މާދަމާ އޭނާގެ ޕޯސްޓްމޯޓަމް ހަދާނެކަމަށް ފުލުހުން ބުނެފައިވާކަމަށް އެ އާއިލާއިން ބުނެއެވެ.
އަތްހަރުގެ ޕޯސްޓްމޯޓަމަށް ހަދަން ސަރުކާރުން ނިންމާފައިވަނީ އެއާއިލާއިން އެކަން ކުރަން ބޭނުންނުވާކަމަށް ބުނެފައިވަނިކޮށެވެ. އެ އާއިލާއިން އެދުނީ ވީހާވެސް އަވަހަކަށް އަތްހަރުގެ ވަޅުލުމަށެވެ.
އަތުހަރުގެ މަރުގެ މައްސަލަ އިންޓެގްރިޓީ ކޮމިޝަން (އެންއައިސީ) އާއި ހިއުމަން ރައިޓްސް ކޮމިޝަން (އެޗްއާރުސީއެމް)އިން އަންނަނީ ބަލަމުންނެވެ.
