މިކަން ހާމަކުރުމަށް އެކްސްގައި ކުރި ޕޯސްޓެއްގައި އިމިގްރޭސަނުން ބުނީ ޓާސްކު ފޯސް އަށް ލިބުނު މައުލޫމާތެއްގެ އަލީގައި، އިމިގްރޭސަނާއި ފުލުހުން ގުޅިގެން، މިއަދު ހާއްސަ ރެއިޑެއް ކުރިއަށް ގެންގޮސްފައިވާ ކަމަށެވެ.
މި ރެއިޑުގައި ގަވާއިދާ ހިލާފަށް، ފުޅާދާއިރާއެއްގައި ކަޅު ބާޒާރުގައި ޑޮލަރުގެ ވިޔަފާރި ކުރަމުންދިޔަ ފަސް ބިދޭސީއަކު އިމިގްރޭޝަން ބެލުމުގެ ދަށަށް ގެންގޮސްފައިވާ ކަމަށް އިމިގްރާޝަނުން ވަނީ ބުނެފަ އެވެ.
އަދި މި މީހުންގެ އަތުން އެތައް ލައްކަ ފައިސާއާއި ގިނަ އަދަދެއްގެ ޑެބިޓް/ކްރެޑިޓް ކާޑު ފެނިފައިވާ ކަމަށާއި މި މައްސަލައާއި ގުޅިގެން މިހާރު ދަނީ އިތުރަށް ތަހުގީގު ކުރަމުންނކަމަށް އެ އިދާރާއިން ވަނީ ބުނެފަ އެވެ.
އަދި މިކަމުގެ އިތުރު ތަފްސީލު ފަހުން ހާމަކުރާނޭކަމަށް ވެސް އިމިގްރޭސަނުން ވަނީ ބުނެފަ އެވެ.
ރާއްޖޭގައި ގަވާއިދާ ހިލާފަށް އުޅޭ ބިދޭސީން ހިފާ ހައްޔަރުކުރުމަށް އިމިގްރޭސަނުން ބޮޑު އޮޕަރޭޝަނެއް ފަށާފައިވާއިރު، ދާދިފަހުންވެސް ވަނީ ގިނަ އަދަދެއްގެ ޑޮލަރުތަކަކާއި އެކު އިންޑިއާ މީހަކު ހައްޔަރުކޮށްފަ އެވެ. އޭނާ ހައްޔަރުކޮށްފައިވަނީ އެއާޕޯޓަށް ފުރަންގޮސް ހުއްޓަ އެވެ.
