ރޭ ހުޅުމާލޭގައި ހިނގި އެކްސިޑެންޓާއި ގުޅިގެން އެކްސްގައި ކުރެއްވި ޕޯސްޓެއްގައި މޭޔަރު އާދަމް އާޒިމް ވިދާޅުވީ މިއަދު ހުޅުމާލޭގައި ހިނގި ނުރައްކާތެރި އެކްސިޑެންޓްގައި ޒުވާނެއްގެ ފުރާނަގެއްލިގެން ދިއުމަކީ ކޮޅުނެއް ކޮޅަށް ހިތާމަ ހުރިކަމެއްކަމަށެވެ.
އެކްސިޑްޓްތައް ހުއްޓުވުމަށް އަމަން ބަލަހައްޓަން ދައުލަތުން މަތި ކޮށްފައިވާ މުއައްސަސާތަކުން ގާނޫނު ތަންފީޒު ކުރަމުން ގެންދިއުމަށް އާޒިމް ވަނީ ގޮވާލައްވާފައެވެ.
ބާރު ސްޕީޑުގައި ދުއްވާފައި ދިޔަ ރޭސް ކާރެއްގައި ސައިކަލެއް ޖެހި ރޭ ދަންވަރު ހިންގި އެކްސިޑެންޓްގައި ނިޔާވީ ލ. އިސްދޫ ،ބީޗްހައުސް އުުމުރުން 23 އަހަރުގެ ހަސަން ސަމާހްއެވެ. އޭނާ ނިޔާވީ އެކްސިޑެންޓް ވުމުން ހުޅުމާލެ ހޮސްޕިޓަލަށް ގެންގޮސް ފަރުވާދޭން ފެށިތާ ކުޑަވަގުތުކޮޅެއްގެ ތެރޭގައެވެ.
ސަމާހް އަކީ އެކްސިޑެންޓްވި ސައިކަލް ދުއްވަން އިން ޒުވާނާއެވެ. އޭނާގެ ސައިކަލް ފަހަތުގައި އިން ޒުވާނާއަށްވެސް މި އެކްސިޑެންޓްގައި އަނިޔާވެ ހޮސްޕިޓަލްގައި އަންނަނީ ފަރުވާދެމުންނެވެެ.
