އެމީހާގެ ވަނަވަރާއި ފޮޓޯ އާންމުކޮށް ފުލުހުން ބުނީ އެ ދުވަހުގެ ރޭ 9:30 ހާއިރު އައިޖީއެމްއެޗް ކައިރިން ފިިރިހެނަކު ހުއްޓުވާ އޭނާއަށް ކޮޓަރިއަކަށް ދިއުމަށް ދައުވަތު ދިނުމަށް ފަހު މާފަންނު މުރަނގަމަގުގައި ހުރި ގެސްޓްހައުސް އަކަށް ގެންގޮަސްފައިވާ ކަމަށެވެ.
އެ ތަނަށް ގެންދިއުމަށް ފަހު އިތުރު ދިވެހި ފިރިހެނަކާ ބައިވެރިވެގެން އެ މީހާ ރަހީނުކޮށް އޭނާގެ ފޯނާއި ކޭސް ކާޑު އަތުލާ އޭނާގެ އެކައުންޓުން 53000 ރުފިޔާ ފޭރިގެންފައިވެ އެވެ.
އެ މައްސަލަ ފުލުހަށް ހުށައެޅުމުން މި މައްސަލާގެ ތުހުމަތު ގައި 27 އަހަރުގެ ދިވެހި އަންހެނަކު ވަނީ ހައްޔަރު ކޮށްފަ އެވެ. ފުލުހުން ބުނީ މި އަންހެން މީހާގެ ބަންދަށް ކޯޓުން 15 ދުވަސް ޖަހާފައިވާ ކަމަށެވެ.
މި ފަހުން މީހުން ތަންތަނަށް ވައްދައިގެން ފޭރުމާއި ބިރުދެއްކުމުގެ ކުށްތައް މާލެ ސަރަހައްދުގައި ވަނީ ގިނަވެފަ އެވެ. މީގެ ކުރިން ހުޅުމާލެ ދެވަނަ ފިޔަވަހީގައި ވެސް ނެޓްވޯކެއް ގޮތަށް އެފަދަ ބަޔަކު ހަރަކާތްތެރި ވަނިކޮށް ފުލުހުން ވަނީ އެމީހުން އަތުލައިގެންފަ އެވެ. އެ އަމަލުތައް ހިންގަނީ ގްރޫޕް ހަދައިގެން ކަން ވެސް ފުލުހުން މިހާތަނަށް ހާމަކުރި މައުލޫމާތުތަކުން އެނގެ އެވެ.
ފުލުހުންގެ ހިދުމަތުން އާންމުކޮށްފއިވާ ތަފާސްހިސާބުތައް ދައްކާ ގޮތުން ޖަނަވަރީން ފެށިގެން މިހާތަނަށް 2515 ވައްކަމުގެ މައްސަލައެއް އެ އިދާރާއަށް ހުށަހެޅިފައިވެ އެވެ.
އަދި އެ މުއްދަތުގައި ތަކެތި ގެއްލިގެން ހުށަހަޅާފައިވާ 703 މައްސަލައެއްގެ އިތުރަށް އޮޅުވާލައިގެން ފައިސާ ހޯދުމުގެ 460 މައްސަލައެއް ފުލުހަށް ރިޕޯޓުކޮށްފައިވާކަން އެ ހިދުމަތުގެ ތަފާސްހިސާބުތަކުން ދައްކަ އެވެ.
