ސީރިއަސް ޒަހަމަތަކާއި އެކު ކޮޓަރިއެއްގެ ތެރޭގައި އޮއްވާ ފެނުނީ 27 އަހަރުގެ ދިވެހި ފިރިހެނެއްކަމަށް ފުލުހުން ވަނީ ބުނެފައެވެ. އަދި މި ޒުވާނާއަށް އައިޖީއެމްއެޗަށްް ގެންގޮސް ފަރުވާދެމުން އަންނަނީ އައިސީޔޫގައި ކަމަށްވެސް ފުލުހުން ބުނެއެވެ. އެހެންނަމަވެސް މި ޒުވާނާއަށް ލިބިފައިވާ އަނިޔާތަކުގެ ތަފްސީލެއް ފުލުހުން އަދި ނުބުނެއެވެ.
ފުލުހުން ބުނީ މިހާތަނަށް ބެލި ބެލުމުން އެ ޒުވާނާއަށް ބަޔަކު މީހުން އަނިޔާކޮށްފައިވާކަމަށް ބެލެވޭކަމަށެވެ.
މި ޒުވާނާ ފެނުނީ ހެންވޭރުގައި ގެސްްޓް ހައުސް އެއްގެ ކޮޓަރިއެއްގައި އޮއްވާއެވެ. މި ޒުވާނާއަކީ މި ގެސްޓްހައުސްގެ ކޮޓަރިއެއްގައި ދިރިއުޅެމުން ދިޔަ ޒުވާނެއްކަމަށާއި ފުލުހުން ގޮސް އޭނާ އުޅޭ ކޮޓަރި ބެލީ އޭނާގެ ހަބަރެއް ނުވެގެން ރިޕޯޓްކުރުމުންކަމަށްވެސް ފުލުހުން ބުނެއެވެ.
ފުލުހުން ބުނީ މި މީހާ ފެނުނު ތަނުގައި ފުލުހުންގެ ޓީމުތައް ހަރަކާތްތެރިވަމުންދާކަމަށެވެ.
