މިކަމާއި ގުޅިގެންް ހައުސިންގް ޑެވެލޮޕްމަންޓް ކޯޕަރޭސަން (އެޗްޑީސީ) އިން އާންމުކުރި އިއުލާނުގައި ބުނެފައި ވަނީ ހުޅުމާލެ އަކީ ހިތްފަސޭހަ ތަނަކަށް ހެދުމަށް ޓަކައި އެޗްޑީސީން ކުރަމުން އަންނަ މަސައްކަތުގެ ތެރެއިން، ހުޅުމާލޭ މަުތަކުގައި ގަވާއިދާ ހިލާފަށް ބަހައްޓާފައި ހުރި މުދަލާއި ތަކެތި، ނެގުމަށް އެޗްޑީސީން ނިންމާފަައިވާކަމަށެވެ.
އެޗްޑީސީން ބުނީ ހުޅުމާލޭ ހުޅުމާލެ އަކީ ހިތްފަސޭހަ ތަނަކަށް ހެދުމަށް ޓަކައި ކުރަމުން އަންނަ މަސައްކަތުގެ ތެރެއިން އިންޑަސްޓްރިއަލް ޒޯނު ހިމެނޭ ސަރަހައްދުގައި ޕާކު ކޮށްފައިވާ އުޅަނދުތަކާއި ދުވާރު މަތީގައި ބަހައްޓާފައިވާ ތަކެތި ނަގައި އެ ސަރަހައްދު ސާފުކުރުމުގެ މަސައްކަތް ކަމާބެހޭ އިދާރާތަކާއި ގުޅިގެން ނިމިދިޔަ އޮގަސްޓް މަހުގެ 31 ވަނަ ދުވަހު ފަށާފައިވާ ކަމަށެވެ.
މީގެ އިތުރުން އެޗްޑީސީގެ އިއުލާނުގައި ބުނެފައިވަނީ އެ މަސައްކަތް އިތުރަށް ފުޅާކޮށް، ހުޅުމާލެ ފޭސް 1 އަދި ފޭސް 2 ގެ ހުރިހާ މަގުތަކެއްގައި ގަވައިދާއި ހިލާފަށް ބަހައްޓާފައި ހުރި މުދަލާއި ތަަކެތި ނެގުމަށް އެ ކޯޕްރެސަނުން ނިންމާފައިވާކަމަށާއި އެހެން ކަމުން މި މަހުގެ 19 ވަނަ ދުވަހުގެ ކުރިން ހުޅުމާލެ ފޭސް 1 އަދި ފޭސް 2 ގެ މަގުތަކުގައި ގަވައިދާއި ހިލާފަށް ބަހައްޓާފައިވާ ހުރިހާ މުދަލާއި ތަކެތި ނެގުމަށް އަންގާ އިލްތިމާސްކުރާކަމަށެވެ.
އެޗްޑީސީން ބުނީ މި މުއްދަތުގެ ތެރޭގައި ތަކެތި ނަގާފައި ނުވާނަމަ ކަމާ ގުޅުންހުރި އިދާރާތަކާއި ގުޅިގެން އެތަކެތި ނެގުުގެ މަސައްކަތް މިމަަހުގެ 20 އަދި 21، މި ދެ ދުވަހު ކުރިޔަށް ދާނެކަމަށާއި އެ މަސައްކަތުގެ ތެރޭގައި މުދަލަށް ލިބޭ ގެއްލުމަކަށް އެ ކޯޕަރޭޝަނުން ޒިންމާ ނުވާނެ ކަމަށެވެ.
ހުޅުމާލެ އަކީ އެންމެނަށް ވެސް ހިތްފަސޭހަ ހަތަކަށް ހެދުމަށް، އެ ކޯޕަރޭސަނުން ކުރަމުން އަންނަ މަސައްކަތަށް އާންމުގެ ފަރާތުން ލިބެމުން އަންނަ އެއްބާރުލުމަށް ސުކުރުއަދާކުރާކަމަށް ވެސް އެޗްޑީސީގެ އިއުލާނުގައިވެ އެވެ.
