އެޕާޓީން މިހެން ބުނީ މިއަދު ފާހަގަކުރާ ބައިނަލްއަގްވާމީ ޑިމޮކްރެސީ ދުވަހުގެ މުނާސަބަތުގައި ނެރުނު ބަޔާނެއްގައެވެ.
ވެރިކަން ކުރާ ޕީއެންސީ ބުނީ އެއް ޕާޓީއަށް ވުރެ ގިނަ ޕާޓީ އެކުލެވޭ ސިޔާސީ ނިޒާމު ރާއްޖެއަށް ތައާރަފުވެގެން ދިޔަތާ 16 އަހަރުވެފައިވާއިރު ދޫސްތޫރީ ގޮތުންނާއި އިދާރީ ގޮތުން މުހިއްމު ބަދަލުތަކެއް ގެންނަން ޖެހޭއިރު ހުރީ އެ ބަދަލުތައް ނުގެނެވި ކަމަށެވެ. އެހެންނަމަވެސް ރައީސް ޑރ. މުއިއްޒު ވެރިކަމަށް ވަޑައިގަތުމަށްފަހު އެ ބަދަލުތައް ގެނައުމުގެ މަސައްކަތް ފައްޓަވާފައިވާކަމަށް އެ ބަޔާނުގައި ވެއެވެ.
އެގޮތުން ރައްޔިތުންގެ މަޖިލީހުގެ މެންބަރުންގެ އަދަދު އިތުރުވާ ގޮތަށް އޮތް އޮތުން ބަދަލު ކުރުމާއި ބޮޑެތި އިންތިހާބުތައް ވަކިވަކިން އޮތް އޮތުން އިންތިހާބުތައް އެއްކޮށް ބާއްވާ ގޮތަށް ނިޒާމު ބަދަލު ކުރުން ފަދަ މަސައްކަތްތައް ފަށާފައިވާ ކަމަށެވެ. އަދި އެކަންކަމަކީ ޑިމޮކްރަސީ އިތުރަޑް ހަރުދަނާވެ ދައުލަތުގެ ހިންގުން އިސްލާހުވާނެކަމަށް ޕީއެންސީގެ ބަޔާނުގައިވެއެވެ.
މީގެ އިތުރުން ރައީސް މުއިއްޒު ވެރިކަމާއި ހަވާލުވެޑައިގެން ފަހުން ގާނޫނު އަސާސީގައި ބަޔާންކޮށްފައިވާ ދިވެހި ދައުލަތުގެ ސިފަތައް ވަރުގަދަކޮށް ހަރުދަނާ ކުރުމަށް ގިނަ ފިޔަވަޅުތައް އަޅާފައިވާކަމަށް ޕީއެންސީގެ ބަޔާނުގައިވެއެވެ.
ރާއްޖޭގެ ކަންކަން ނިންމަނީ ދިވެހިންގެ އަމިއްލަ ވިސްނުމާއި އެއްގޮތަށް ކަން ކަށަވަރު ކުރުމަށްޓަކައި " މޯލްޑިވްސް ފަސްޓު " ސިޔާސަތު ތައާރަފް ކޮށް ކޯޓުތަކަާއި ޝަރުއީ ދާއިރާ މިނިވަންކަމާ އެކު މަސައްކަތް ކުރެވޭނެ ކަން ކަށަވަރުކޮށް ދީފައިވާކަމަށްވެސް ވެރިކަން ކުރާ ޕީއެންސީ ނެރުނު ބަޔަނާގައިވެއެވެ.
