މިދިޔަ ހޮނިހިރު ދުވަހު ފުވައްމުލައް ސިޓީގައި ދޯންޔަށް ބިއްލޫރި ޝީޓްތަކެއް އެރުވުމުގައި 4 މީހަކަށް އަނިޔާވެފައިވާއިރު އޭގެ ތެރޭގައި ހިމެނެނީ 2 ބިިދޭސީންނާއި 2 ދިވެހީންނެވެ. އެތަނުން އެއް ބިދޭސީއަކަށް ލިބުނު ޒަހަމްތަކާ ގުޅިގެން ހާލު ސީރިއަސްވެ ފުވައްމުލައް ސިޓީ ހޮސްޕިޓަލްގެ އައިސީޔޫގައި ދިޔައީ ފަރުވާދެމުންނެވެ.
މިއަދު އައިޖީއެމްއެޗް އިން "ސީއެންއެމް"އަށް މައުލޫމާތު ދިން ގޮތުގައި ވިދާޅުވީ ބިދޭސީމީހާގެ ހާލު ރަނގަޅު ވަމުން އަންނަކަމަށާއި މި ވަގުތު އޭނާ ވަނި އައިޖީއެމްއެޗްގެ ވޯޑުގައި ކަމަށެވެ.
ހާދިސާ ހިނގި ދުވަހު "ސީއެންއެމްއަ" ށް މައުލޫމާތު ދެމުން ފުވައްމުލައް ސިޓީ ހޮސްޕިޓަލްގެ އޮފިޝަލެއް ވިދާޅުވީ ލިބުނު ޒަހަމްތަކާ ގުޅިގެން ބިދޭސީމީހާއަށް އައިސީޔޫގައި ފަރުވާދެމުން ދާކަމަށައި ކަމާބެހޭ ފަރާތްތަަކާއި ހެލްތް މިނިސްޓްރީ އާ ގުޅިގެން އިތުރު ފަރުވާ އަށް މާލެ ގެނައުމުނުގެ އިންތިޒާމް ރާވަމުން އަންނަކަމަށެވެ.
ފުލުހުން އަންނަނީ މިމައްސަލަ އިތުރަށް ތަހުގީގު ކުރަމުންނެވެ.
