އައްބާސް ޕީޖީކަމަށް އައްޔަންކުރަން ފެނޭތީ މިއަދު މަޖިލީހުގައި ނެގި ވޯޓުގައި އޭނާ އެ މަގަމާށްއއްޔަންކުރަން ފެންނަކަަމަށްް 85 މެމްބަރުން ވަނީ ވޯޓް ދެއްވާފައެވެ. ނުފެންނަކަމަށް ވޯޓް ދެއްވި އެއްވެސް މެމްބަރެއް ނެތެވެ.
ސެކްރެޓެރީ ޓު ދަ ޕްރެޒިޑެންޓް އޮން ލީގަލް އެންޑް ޕާލަމެންޓްރީ އެފެއާޒް ގެ މަގާމުގައި ހުންނެވި އައްބާސް ޝަރީފްގެ މައްސަލަ ދިރާސާ ކޮމެޓީން ދިން މާކްސްގެ އިންސައްތަ އަކީ 93.91 އެވެ. އައްބާސް ޕީޖީކަމަށް އައްޔަންކުރަން ފެންނަކަމަށް ކޮމެޓީންވެސް ރުހުން ދިނީ ކޮމެޓީގެ އިއްތިފާގުންނެވެ. އޭގެތެރޭގައި އިދިކޮޅު އެމްޑީޕީގެ މެމްބަރުންވެސް ހިމެނެެ އެވެ.
މަޖިލިސް މިދިޔަ އޮގަސްޓްމަހު 22 ވަނަދުވަހު ޗުއްޓީއަށް ދިޔައީ ޕްރޮސެކިއުޓާ ޖެނެރަލް ހުސައިން ޝަމީމް މަގާމުން ވަކިކޮށްފައެވެ މަޖިލީސް ޗުއްޓީއަށް ނުގޮސް ދިގު ދަންމާލީ ޕީޖީގެ މަގާމުގައި ހުންނެވި ހުސައިން ޝަމީމް އެ މަގާމުން ވަކިކުރުމުގެ މައްސަލަ ކުރިއަށް ގެންދާށެވެ. ޝަމީމް ވަކިކުރަން ވަކި ޖަލްސާ ވަނީ މަޖިލީހުން ބާއްވާފައެވެ.
ޝަމީމް ވަކިކުރަން މަޖިލީހުން ފާސްކުރީ 65 މެންބަރުންގެ ވޯޓާ އެކު އެވެ. ޝަމީމް ވަކިކުރަން ނުފެންނަ ކަމަށް ނުވަ މެންބަރަކު ވޯޓު ދެއްވިއިރު، ވަކި ކޮޅަކަށް ވޯޓު ނުދެއްވާ އެއް މެންބަރަކު އިންނެވި އެވެ.
