ރައީސް މުޢިއްޒު މިހެން ވިދާޅުވީ ކުރިއަށް އޮތް 20 އަހަރު ދުވަހުގެ ރާއްޖޭގެ ގައުމީ ތަރައްގީގެ ޕްލޭން ހެދުމުގެ މަސައްކަތް ކުރުމަށް ބޭއްވި ވަޒީރުންގެ މަޖިލީހުގެ ބައްދަލުވުމަށްފަހު ދައުލަތުގެ މީޑިއާ މެދުވެރިކުރައްވައި ވާހަކަ ދައްކަވަމުންނެވެ.
ރައީސުލްޖުމްހޫރިއްޔާ ނިންމަވާފައިވަނީ، ކުރިއަށް އޮތް 1 އަހަރުގެ ތެރޭގައި މި ޕްލޭން އެކުލަވާލަން ނިންމުމަށެވެ. މި ޕްލޭން ހަދާނީ ރައްޔިތުންގެ ބައިވެރިވުމާއި، ކަމާގުޅޭ ހުރިހާ ފަރާތްތަކުގެ މަޝްވަރާއާއެކު ރައްޔިތުން އެދޭގޮތަށް ކަމަށާއި އަދި މި ޕްލޭނަށް ޤާނޫނީ ބާރުވެރިކަން ވެސް ލިބޭގޮތަށް ކަމަށް ރައީސް ވިދާޅުވިއެވެ.
ރައީސް ވިދާޅުވީ ކުރިއަށް އޮތް އެއް އަހަރު ދުވަހުގެ ތެރޭގައި އެ ޕްލޭން އެކުލަވާލައި ނިންމަވާނެ ކަމަށެވެ. އަދި އެ ޕްލޭން އެކުލަވާލުމުގެ ވަޢުދަކީ އެމަނިކުފާނު ކެމްޕޭނުގެ ތެރޭގައި ވެލެއްވި ވަރަށް މުހިންމު ވަޢުދެއްކަމަށްވެސް ރައީސް މުޢިއްޒު ވިދާޅުވިއެވެ.
ރައީސް މުއިއްޒު ވިދާޅުވީ ކުޅިވަރުކުޅޭ ފަރާތްތަކާއި، ސިޔާސީ ޕާޓީތަކަށް ނިސްބަތްނުވިޔަސް ގައުމުގައި ތިބި ކަމުވޮށިގެންވާ ފަރާތްތަކާ ވަރަށް ތަފްސީލީ ގޮތެއްގައި މަޝްވަރާކުރައްވާނެ ކަމަށެވެ.
މި މަސައްކަތް ވެގެންދާނީ ދަރީންގެ މުސްތަގުބަލަށް ޓަކައި ކުރާ މަސައްކަތަކަށް ވެގެންދާނެކަމަށް ވެސް ރައީސް ވިދާޅުވިއެވެ.
