Advertisement

ކަސްޓަމްސް އިން މިއަދު ބުނީ މި ތަކެތި ނައްތާލާފައިވަނީ މި މަހުގެ 4 ވަނަ ދުވަހު ކ. ތިލަފުށީގެ ކުނި ނައްތާލާ ސަރަހައްދުގައިކަމަށެވެ. ދުންފަތުގެ ބާވަތްތަކުގެ އިތުރުން ނައްތާލި ތަކެތީގެ ތެރޭގައި ބަނގުރަލާއި ސިންގަލް ޔޫސް ޕްލާސްޓިކްވެސް ހިމެނެއެވެ.

ނައްތާލެވުނު ތަކެތީގެ ތެރޭގައި:

• 867،410 ސިނގިރޭޓް/ބިޑި
• 162.58 ކިލޯ ދުންފަތް/ދުންބޯ ފަތް
• 3،496 ފުޅި ބަނގުރާ
• 763 ދަޅު ބިޔަރު
• 32 ޕީސް ބަނގުރާ އެކުލެވޭ އެހެނިހެން ތަކެތި
• 137 ކިލޯ ސިންގަލް ޔޫސް ޕްލާސްޓިކް ކޮތަޅު
• 43 ޕީސް ސިންގަލް ޔޫސް ޕްލާސްޓިކް ތަށި، ފުޅި އަދި ހޮޅި ހިމެނެއެވެ.

މި ތަކެއްޗަކީ ކަސްޓަމްސްގެ އާންމު ގަވާއިދުގެ 422 ވަނަ މާއްދާގެ ދަށުން ކަސްޓަމްސްގެ ކޮންޓްރޯލްގެ ދަށުގައި ނުގެންގޮސް ހުންނަ ތަކެއްޗާއި، ރާއްޖެއަށް އެތެރެކުރަން އުޅެނިކޮށް ހިފެހެއްޓޭ މަނާތަކެތި ނައްތާލުމުގައި ކަސްޓަމްސްއިން އަމަލުކުރާ އުސޫލުގެ ދަށުން ނައްތާލެވުނު ތަކެތިކަމަށް ކަސްޓަމްސްއިން މައުލޫމާތު ދީފައިވެއެވެ.